türkiyediki tébbiy ösümlükler
didem öztashbashi teripidin teyyarlanghan «biliwéling» namliq pirogrammimizning bügünki sanida «türkiyediki tébbiy ösümlükler» dégen témidiki uchurlarni siler bilen ortaqlishimiz.
türkiye awazi radiyosi: türkiyening doriliq we xushpuraq ösümlüklerni yétishtürüshtiki aldinqi qatardiki döletlerning biri ikenlikini anglighanmidingiz?
doriliq we xushpuraq ösümlükler - késelliklerning aldini élish, saghlamliqni asrash yaki késelliklerni dawalash üchün dora süpitide ishlitilidighan ösümlüklerning ortaq nami.
ékologiyilik sharaiti sayisida nurghun ösümlük türlirining ana yurtigha aylanghan türkiye, doriliq we xushpuraq ösümlüklergimu intayin bay bir makan.
türkiyede tebiettin toplanghan texminen 100 xil ösümlük bashqa döletlerge éksport qilinidu. texminen 20 xil doriliq we xushpuraq ösümlük yétishtürülidu. türkiyening eng köp éksport qilinidighan ösümlükliri tétitqu, köknar, much, chay, ananis, zire, adachéyi qatarliqlardur. bularning ichide tétitqu, zire, köknar éksportida türkiye dunyadiki eng muhim döletlerning biri. yiligha texminen 4 ming tonnidin 7 ming tonnighiche bu xil mehsulatlarni éksport qilidighan türkiye, dunyadiki eng chong tétitqu ékisport qilghuchi dölet bolup, 10 milyon bilen 16 milyon dollar arisida kirim qilidu.
