liwiye urushida axiriqi perde
küntertip we analiz (24)
liwiye urushida axiriqi perde
küntertip we analiz (24)
(jan ajun)
hörmetlik radiyo anglighuchilar! «küntertip we analiz» namliq pirogrammimizning bügünki bölümide siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan « türkiyening bixeterlik telimati» témiliq analizni diqqitinglargha sunimiz.
liwiye memliketlik muresseleshtürüsh hökümitige qarashliq liwiye armiyesi türkiyening yardem qilishi bilen paytext tirablusta général hafterge tewe qoralliq unsurlarni meghlup qilghandin kéyin, sherqqe qarap ilgirilep, déngiz qirghiqidiki sirte shehiri we istratégiyilik ehmiyetke ige jufra hawa armiye bazisini tartip élish üchün yéngi bir heriket bashlighan weziyette turmaqta. général hafter bolsa, qahirede sisi bilen körüshüp, urush toxtitish chaqiriqi élan qilish arqiliq héch bolmighanda hazir meydanda mewjut herbiy küchini saqlap qélishqa tirishmaqta.
liwiye urushida türkiyening liwiye memliketlik muresseleshtürüsh hökümiti qisimlirigha bergen yardimining tesiri kündin-künge özini téximu bek namayan qilmaqta. général hafter tunji qétim mudapie weziyitige ötken ehwalda turmaqta. türkiye armiyesining tirablus we misratagha orunlashturulushi, liwiye armiyisige herbiy meshiq we meslihet bérish xizmitini bashlishi, yene kélip, liwiye armiyesin éhtiyajliq bolghan herbiy esliheler bilen teminlishi urushning tengpungliqini pütünley özgertken bolup , döletning gherbiy rayonlirida hawa üstünlikini ishqa ashurush arqiliq hafterge tewe qoralliq unsurlar meghlubiyetke duchar qilinghan we ular chkénishke bashlighan weziyet shekillendi. hazir toqunushning merkizide ikki istratégiyelik sheher bar. déngiz qirghiqidiki sirte we muhim bir hawa armiye bazisini öz ichige alghan jufra.
bu ikki sheherni muhim ehmiyetke ige qilghan bashqa alahidiliki bolsa, ularning döletning néfit bayliqining körünerlik bir qismini néfit hilaligha tutashturidighan muhim derwaze bolghanliqidur. liwiye memliketlik muresseleshtürüsh hökümitige qarashliq liwiye armiyesi bu rayoninimu kontirulluq astigha élish arqiliq ishlepchiqirish we éksport qilishni bashlashni xalaydu. général hafter bolsa, ereb birleshme xelipiliki qatarliq döletlerning telipige riaye qilip, döletning néfit ishlepchiqirishini toxtitip quyghan we éksport nisbitini töwenlitiwetken idi. bu arqiliq liwiye memliketlik muresseleshtürüsh hökümitini iqtisadiy bésim asitda tutushni hemde texminen 1.5 milyon küp néfit ishlep chiqirilishi toxtighandin kéyin dunya néfit bahasini östürüshni nishan qilghan idi. shunglashqa liwiye memliketlik muresseleshtürüsh hökümitimu urush toxtitish we siyasiy hel qilish chartisi üchün üstelde olturushtin ilgiri sirte we jufra bilen birlikte néfit hilalinimu alqinigha élishni meqset qilmaqta.
liwiyening urush meydanidiki herbiy özgirishlerdin bashqa yene siyasiy sahedimu muhim ilgirishler bolmaqta. emdilikte , général hafterni qollawatqan ereb birleshme xelipiliki , rusiye , misir qatarliq döletler derhal urush toxtitish we liwiye memliketlik muresseleshtürüsh hökümiti qisimlirigha téximu köp rayon tartquzup qoyushining aldini élishqa urunmaqta. lékin téximu muhimi , général hafterning herbiy meghlubiyitidin kéyin oxshimighan aktiyorlarni izdeshke chüshkenlikidur. tobrukta turushluq awam palatasining reisi aqile salih bu jehtte aldinqi pilandiki dangliq shexislerning birsidur. türkiye bolsa, bir tereptin herbiy we siyasiy yardemlirini dawamlashturush bilen birge yene bir tereptin amérika bilen rosiyeni tengpunglashturush jehettin liwiyede ortaq pozutsiye belgileshke tirishmaqta. amérikiningmu yéqinqi mezgildin buyanqi liwiye siyasitining liwiye memliketlik muresseleshtürüsh hökümitige paydiliq shekilde özgirishke bashlighanliqi körülmekte. rusiyeningmu sherqtiki herbiy küchining éshishi amérikani biaram qiliwatqan weziyette türkiye bilen birlikte heriket qilish mejburiyiti tughulmaqta.
