dunyadiki atatürkning ismi bérilgen jaylar
didem öztashbashi teripidin teyyarlanghan «biliwéling» namliq pirogrammimizning bügünki sanida «dunyadiki atatürkning ismi bérilgen jaylar» dégen témidiki uchurlarni siler bilen ortaqlishimiz.
dunyaning nurghun döletliride atatürkning nami bérilgen jaylarning barliqini anglighanmidingiz?
dunya miqyasida hörmetke sazawer bir lidér bolghan atatürkning ismi yawropa döletlirining sirtida hindistandin méksikaghiche, yaponiyedin tunisqiche, pérudin yéngi zélandiyegiche bolghan jaylardiki abidiler, heykeller yaki jaylarda yashnimaqta.
bu döletlerning biri bolghan chilining paytexti santiyagoda sheherlik hökümet, sheher ahalisining ülge qilishi üchün sheherdiki bir baghchigha atatürkning sözliri yézilghan bir qapartma neqishliq lewhe yasatquzghan bolup, uninggha «türkiye jumhuriyitining qurghuchisi, wetinining pidakar we sadiq xizmetkari, tengdashsiz qehriman, insaniyet idéalining janliq ülgisi... pütün hayatini türk millitige bexshende qilghan bolup, xelqige öz rohini we otini bergen. uning xatirisi millitining rohini lawulditip turuwatqan öchmes süpitide yashimaqta!» dégen sözlerge orun bérilgen.
israiliyening yéhud shehiride mustapa kamal atatürkke béghishlap yasalghan bir xatire téshigha atatürkning «yurtta sulh, jahanda sulh» dégen sözi yézilghan bolup, u sözning astighila «türk milliti we türkiyeni yaxshi köridighan israiliye xelqi sendin menggü minnetdardur» dégen jümle ilawe qilinghan.
kubadiki tunji we birdinbir chet ellik dölet erbabining heykilimu atatürkke aittur. tunji heykelning astigha türk we ispan tillirida «türkiye jumhuriyitining qurghuchisi - yurtta tinchliq, dunyada tinchliq» dep yézilghan. 2011-yili kuba dölet erbablirining telipige asdasen, heykeltirashch metin yurdanur teripidin yasalghan ikkinchi atatürk heykili bolsa, paytext hawananing eng jelpkar jaylirining biri bolghan puérto kochisidiki baghchigha qoyuldi.
