bir qanche esirlik ötmüshke ige sehiye muzéyi heqqide némilerni bilisiz?

edirnediki sehiye muzéyining sultan ikkinchi beyazidning buyruqigha asasen 1488 – yili échilghanliqini we uning öz dewrining eng yaxshi sehiye merkizi ikenlikini anglighanmidingiz?

sultan ikkinchi beyazid, 1484 – yili erdirnede «derdliri (késelliri) ge shipaliq izdigüchiler üchün» bir darushshifa (shipaxana) sélinishini telep qilidu. padishahning permanigha asasen, pursetni qoldin bermestin qurulush xizmetlirini bashlighan binakar hayrettin, bu abide eserning binakari süpitide tarix sehipiliridin orun alidu.

sélinghan mezgilide osmanli dölitining eng yaxshi doxturxanilirining biri bolghan darushshifa, 1488 – yilidin 1877 – yilighiche bémarlar derdlirige shipa izeydighan eng muhim sehiye merkezlirining biri bolidu. qurulush arxipidiki uchurlargha qarighanda, doxturxanida köz doxturimu wezipe ötigen. kéyinki chaghlarda shipaxana, rohiy késellergimu qarashqa bashlighan we bémarlar öz dewrining tébbiy téxnikisi we doriliri bilen birge su awazi, muzika, xushpuraq nersiler arqiliqmu dawalanghan. 1850 – yillardin kéyin merkez tashlinip qélishqa yüzlinip, asta – asta funksiyesini yoqitip qoyghan. 1896 bilen 1910 – yillar arisida tunji qétim rémont qilinghan we 1916 – yilighiche rohiy késellerge mulazimet qilghan.

1993 – yili darushshifani trakya uniwérsitéti qarmiqidiki bir sehiye muzéyigha aylandurush xizmetliri bashlighan, 2000 – yili xizmetke kirishtürülgen muzéy, 2004 – yili «yawropaning eng yaxshi muzéyi» mukapatigha érishken.