4 – nöwetlik xelqara köchmenler eneniwiy tenterbiye paalyetliri

4 – nöwetlik xelqara köchmenler eneniwiy tenterbiye paalyetliri

 «yawro asiyaning küntertipi» namliq pirogrammimizning bügünki bölmide, bu yil bursada ötküzülidighan 4 – nöwetlik xelqara köchmenler eneniwiy tenterbiye paalyetlirining türkiyege bolghan menpeetliri üstide toxtilimiz.

***** ***** *** **** *** *****

derweqe 3 – nöwetlik xelqara köchmenler eneniwiy tenterbiye paalyetliri 2018 – yili 2- sintebirdin 8 - sintebirgiche qirghizistanda ötküzülgen idi. 2020 – yili 17 – yanwarda qirghizistan kültür, üchür we sayahet ishliri ministiri azamet jamanqoluw kéyinki nöwetlik eneniwiy tenterbiye paaliyetlirining iznikte ötküzülishini élan qilghan idi. bu munasiwet bilen xelqara köchmenler eneniwiy tenterbiye paalyetlirining türkiyege qandaq paydilarni élip kélidighanliqi heqqide analizlirimizni diqqitinglargha sunmaqchimiz.

türkiyege nisbeten 4 – nöwetlik xelqara köchmenler eneniwiy tenterbiye paalyetlirining nurghunlighan konkért paydiliri bar. türkiye xelqining bu yéngi tenterbiye türige qiziqishi we özleshtürishi éniqla gep. anadolu xelqining bu tenterbiyelerni özleshtürishi bashqa türkiy jumhuriyet xelqliri bilen yéqinlishishini ishqa ashuridu. bu paaliyet türkiy xelqlerning özlirini dunyagha tonutishi üchünmu yaxshi bir purset yaritip béridu. aldinqi paaliyetke 3000 din artuq tenterbiyechi qatnashqan, 37 xil tenterbiye türi boyiche musabiqiler ötküzülgen idi. bu qétimqi paaliyetke bolsa, eng az dégendimu 5000 tenterbiyechining qatnishishi pilanlanmaqta. ereb dunyasi we afriqiningmu eneniwiy tenterbiye türliri boyiche türkiyede ötküzülidighan musabiqilargha qatnashturulishi türkiyege paydiliq. türkiye sahibxan bolush süpiti bilen hazirghiche xelqara köchmenler eneniwiy tenterbiye paalyetlirige qatnashmighan biraq köchmenlik ötmüshi bolghan xelq we döletlerni xelqara köchmenler eneniwiy tenterbiye paalyetlirige teklip qilip, mezkur döletler bilen yéngi ortaq nuqtilarni aldinqi qatargha chiqaralishi mumkin.

xelqara köchmenler eneniwiy tenterbiye pailiyetliri, xelqara qishliq we yazliq olimpik musabiqilirigha nisbeten ikkinchi bir türge aylinish küchige ige. dunyaning oxshash bolmighan yerliride öchmey kéliwatqan urush otliri belki türkiyening rehberlikidiki bu yéngi heriketning qolida kötürülgen soghuk muz suliri bilen öchishi, tinchliq we qérindashliq mirasini yashnitishi mumkin. 

türkiye 4- nöwetlik xelqara köchmenler eneniwiy tenterbiye paaliyetlirige qatnishidighan döletlerning rehberlirini échilish murasimlirigha teklip qilip, gheyri resmiy birleshken döletler yighini achalishi we bu arqiliq mewjut dunya sistémisidin memnun bolmighan döletlerning mesililirini qaytidin oxshash bolmighan munberler arqiliq kentertipke élip chiqalishi mumkin.

bu qétimqi tenterbiye paaliyetlirige 60 yaki 70 ming etrapida sayahetchining kélidighanliqini nezerde tutqinimizda, jughrapiyelik orni jehettiki ewzellikini ishqa sélip türkiye az dégendimu 100 ming chet ellik sayahetchini jelp qilalishi mumkin. qisqisi xelqara köchmenler eneniwiy tenterbiye paaliyetliri sayahet sahesige yéngi bir köznek bexsh etküsi.

******* ** ** ****** ** *****

bu paaliyet türk tilida sözlishidighan döletler kéngishining ornining mustehkemlinishigimu zor töhpe qoshmaqta. türk tilida sözlishidighan döletler kéngishi bu sayida türk jumhuriyetlirining awazini dunyagha téximu yangraq shekilde anglitalaydu. istanbuldiki türk tilda sözlishidighan döletler kéngishi ishxanisi 2020 – yilida ötküzülidighan xelqara köchmenler eneniwiy tenterbiye paaliyetlirige xalisane we waqitliq xizmet qilidighan xadimlar sanini ashurup, alaqidar xizmetlerni téximu köp tereplimilik élip bérishni ishqa ashurushqa bashlishi lazim.

xelqara köchmenler eneniwiy tenterbiye paaliyetliri peqet tenterbiye paaliyetliri bilenla cheklinip qalmastin, kültür, senet sahesidimu her xil paaliyetlerge sahibxanliq qilmaqta. türkiye 4 – nöwetlik xelqara köchmenler eneniwiy tenterbiye paaliyetliri dairiside, kültür, senet saheside ötküzülidighan paaliyetlerning sistémilishishigha zor töhpe qoshalaydu.

türkiye tarix tetqiqat orgini yaki bashqa munasiwetlik organlar türk akadémiyesi bilen ortaqlashqan halda 4 – nöwetlik xelqara köchmenler eneniwiy tenterbiye paaliyetliri dairiside chong konférans we qurultay ötküzsimu bolidu. küchmenlik medeniyitige ige türklerning orni, köchmenlik pelsepisining insaniyetke bexsh etken shundaqla kelgüsige qaritilghan menpeetliri heqqide dunyaning aldinqi qatardiki bilim ademliri we mutepekkürlirini bir yerge jem qilip, türkiyege yéngi nishanlarni yaritip bérelishi mumkin.

aldinqi paaliyet 60 dölette nex meydandin ulap tarqitlghan we 56 dölettin 604 muxbir paaliyetlerni teqib qilghan idi. bu qétimqi paaliyetlerni bolsa, 100 din artuq dölette nex meydandin ulap körsitilishini we 100 din artuq döletning muxbirlirining teqib qilishini ishqa ashurush tamamen mumkin. bu arqiliq xelqara köchmenler eneniwiy tenterbiye paaliyetliri alemshumul bir tenterbiye paaliyitige aylinidu we paaliyetni bundaq yuqiri sewiyege chiqarghan dölet türkiye bolidu. türkiyening türk miraslirigha eng yaxshi shekilde ige chiqishi we dunyagha tonutishi türk jumhuriyetliri we xelqliri bilen bolghan munasiwetlirinimu tereqqiy qildurup, anadoluni türk xelqlirige nisbeten bir jezbdarliq merkizige aylandürüshni dawamlashturghusi.