charwichi salatasi

türkiye awazi radiyosi: dunyaning hemmila yéride taamlar ichide zadi kem bolsa bolmaydighan lezzetlerdin biri salatadur. salata teyyarlash  üchün kéreklik bolghan matériyallar bolsa, milletlerning yémek – ichmek medeniyitining oxshimasliqigha qarap perqliq bolidu. emma «türk salataliri arisida hemme  eng yaxshi bilidighan, eng köp istémal qilinidighan salata qaysi?» dep sorisingiz, «charwichi salatasi» dep jawab bérimiz. asasliq matériyalliri pemidur, terxemek, kökmuch we piyazdin teshkil tapidighan «charwichi salatasi», bolupmu shu köktatlar mol hem lezzetlik bolidighan yaz aylirida dastixanlarning töridin orun alidu.

bügünki pirogrammimizda, hem teyyarliniishi intayin qolay, hem lezzetlik  bolghan, «charwichi salatasi» teyyarlash usuli heqqide melumat bérimiz.

«charwichi salatasi» teyyarlash üchün kéreklik bolghan matériyallar töwendikiche:

• 4 dane ottirihal chongluqtiki pemidur
• üch dane kökmuch
• ikki dane ottirihal chongluqtiki terxemek
• bir dane chong piyaz
• bir baghlam yumghaqsüt
• besh qoshuq zeytun yéghi
• töt qoshuq limon süyi
• yérim qoshuq tuz

«charwichi salatasi» teyyarlash usuli töwendikiche:

• aldi bilen, pemidurlarni soyup, shéker sheklide toghrang.
• terxemeklerning postini soyup, pemidurlargha mas kélidighan shekilde kichik – kichik qilip késing.
• kökmuchlarni ottiridin yérip, uruqlirini éliwetkendin kéyin, ushshaq toghrang.
• yumghaqsütni inchike toghrang.
• piyazdin bashqa matériyallarning hemmisini salata qachisida arilashturung we üstige toghralghan quruq piyazlarni ilawe qiling.
• salataning tem tengshigüchini teyyarlash üchün؛ zeytun yéghi, limon süyi we tuzni kichik bir qachida ayrilashturung, andin salataning üstige töküp, arilashturung.