istanbul modérn muzéyi heqqide némilerni bilisiz?

istanbulda bir modérn senetler muzéyining barliqini anglighanmidingiz?

istanbul modérn senetler muzéyining uruqi 1987 – yilidiki 1 – nöwetlik xelqara zamaniwi senet körgezmiside, hazirqi nami bilen xelqara istanbul bienalida sélindi. biraq layihe sadasini 2003 – yili ötküzülgen 8 – nöwetlik istanbul bienalida yangritalidi. mimar sinan güzel senetler akadémiyesining yénigha jaylashqan tamozhna  iskilati, bienalining merkizi qilip ishlitilip kelgenidi. öz dewrining bash ministiri rejep tayyip erdoghan iskilatning daimiy orun süpitide ishlitilishini testiqlap, 8 ming kwadrat métir jaydiki iskilat binasi bir modérn muzéygha aylanduruldi.

türkiyening tunji modérn we zamaniwi senet muzéi süpitide 14 yil boyiche bu binada paaliyetlirini dawamlashturghan istanbul modérn, 2018 – yili mayda beyoghludiki waqitliq makanigha köchti. mozéyning yéngi binasi pütküche bolghan 3 yil boyiche barliq paaliyetlirini toluq rewishte dawamlashturidighan waqitliq makani – kültür we senetning qelbi beyoghlugha jaylashqan.

istanbul modérn, modérin we zamaniwi senet saheliridiki eserler körgezme qilinidighan daimiy we muweqqet körgezme zalliri, foto – süret körgezme zali, telim – terbiye we ijtimaiy paaliyetliri, kütüpxana, kinoxa, qehwexana we magzéni bilen senetxumarlargha mulazimet qilmaqta. u yene dunyaning aldinqi qatardiki muzéylirida achqan körgezmiliri bilenmu türkiyening tonulushigha we kültür sayahetchilikining güllinishige hesse qoshmaqta.