tonur sütlachi

türkiye awazi radiyosi: süttin étildighan tatliqlar türk taamliri ichide zadi kem bolsa bolmaydighan lezzetlerning béshida kélidu. étilishi asan bolush bilen bir waqitta, hezim qilinishimu qolay bolghanliqi üchün, adette nahayiti köp istémal qilinidu. bolupmu kechlik tamaqtin kéyin tatliq – turumlarni yaxshi köridighanlar üchün sütlük tatliqlar intayin bab kélidu. bügün silerge osmanli impériyesi dewridin tartipla türk dastixanlirining töridin orun élip kéliwatqan lezzetlerdin «tonur sütlachi» heqqide melumat brimiz.

«tonur sütlachi» étish üchün kéreklik bolghan matériyallar töwendikiche:

• yérim istakan gürüch
• bir yérim istakan su
• besh istakan süt
• üch qoshuq gürüch uni
• bir qoshuq kiraxmal
• bir bolaq hülbe
• bir – bir yérim istakan shéker

«tonur sütlachi» étish usuli mundaq:

• aldi bilen, gürüchni yuyup, qazangha séling. andin bir yérim istakan soghuq suni ilawe qilip,  gürüch yumshighangha qeder qayniting.
• bu ariliqta, gürüch uni, kiraxmal, hülbe we shékerni bashqa bir qazanda arilashturung, ichige sütni asta – asta séping.
• qazanni ochaqning üstige éling we toxtimastin qorighach qayniting.
• bir – ikki minut qaynatqandin kéyin, pishqan gürüchlerni arilashmigha ilawe qiling we qiyam qoyuqlashqangha qeder arilashturghach pishurung.
• pishqan sütlachlarni qachilargha élip, biraz soghushini kütüng.
• soghughan sütlach qachilirini bir tonur léginining üstige orunlashturung.
• andin légenge qachilarning yénigha kelgüchilik su ilawe qiling.
• légenni aldin qizitilghan 200 giradusluq tonurda sütlachlar taki qizarghangha qeder 15 – 20 minut etrapida pishurung.
• tonurdin chiqqan sütlachlarning soghushini kütüng.
• sütlachlar soghughandin kéyin istémal qilsingiz bolidu.