öpke - hésip chorbisi

türkiye awazi radiyosi: «öpke - hésip chorbisi» türk we dunya ashighanilirida tarixtin buyan étilip kelgen bolsimu, emma aldinqi esirdin buyan bu yémeklikni istémal qilish közge körünerlik derijide aziyip ketken. hem osmanli impériyesi sariyning ashxanisidiki hem xelq ashxaniliridiki muhim yémekliklerdin biri bolghan «öpke - hésip chorbisi» nöwette anche étilmeydighan bolup qaldi. shundaqtimu, «öpke - hésip chorbisi»

ashxaniliri hazirmu mewjut bolup, adette öpke – hésip ashxaniliridin tapqili bolidu.  bügün silerge «öpke - hésip chorbisi» heqqide melumat brimiz.

«öpke - hésip chorbisi» étish üchün kéreklik bolghan matériyallar töwendikiche:

• 500 giram öpke – hésip
• 10 istakan su
• 2 qoshuq un
• ikki qoshuq yagh
• bir tuxum
• bir dane limonning süyi
• yérim istakan achchiqsu
• 6 – 7 chish samsaq
• qizilmuch
• tuz

«öpke - hésip chorbisi» étish usuli mundaq:

• aldi bilen, öpke – hésipni pakize yuyung we 10 – 12 istakan su hem tuz bilen taki yumshighangha qeder pishurung.

• leylep chiqqan köpüklerni süzüüshni untup qalmang.
• qaynighan su toxtap, köpük leylimeydighan bolghan chaghda tuwaqni yépip, taki öpke – hésip yaxshi yumshighangha qeder 1 – 1 yérim saet etrapid apishurung.
• pishqan öpke – hésipni chömüch bilen élip, ittik bir pichaq bilen inchike toghrang.
• bu ariliqta, bashqa bir qazanda ikki qoshuq yagh bilen ikki qoshuq unni asta otta birqanche minut qorung.
• öpke – hésip süyidin bir qacha élip, qorulghan ungha ilawe qilip, arilashturung.
• qalghan öpke – hésipnimu süzüp, qazangha ilawe qiling we tashqangha qeder qayniting.
• andin aldin toghrighan öpke – hésiplerni qaynawatqan qazangha séling.
• bir tuxumning sériqi bilen bir limonning süyini bir qachida arilashturghandin kéyin chorbigha ilawe qiling.
• 3 minut etrapida qaynighandin kéyin otni öchürüng.
• hawanchida soqulghan 6 – 7 chish samsaq bilen 2 piyale achchiqsuni bir qachida arilashturung, andin uni qaynawatqan qazangha salsingizmu, yaki qachilarning üstige ilawe qilsingizmu bolidu.