«qisir» heqqide melumat

türkiye awazi radiyosi: bughday uni we bughday unidin étilidighan taamlar türk dastixanlirining hemishe töridin orun alidu. zémini munbet, hawasi mötidil bolghanliqi üchün, anadoluning herqaysi jayliri bughday térip, mol – hosul élishqa tolimu bab kélidu. türklerning medeniyet tarixida, bughday bir yéza igilik mehsulati bolushtinmu bekrek ehmiyetke ige. bashqiche éytqanda, bughday türklerge nisbeten molluqning, beriketning simwoli hésablinidu.

bughdayning ézilip, parchilinishi bilen otturigha chiqidighan  bulghur türk taamlirining muhim matériyalliridin biri hésablinidu. bulghurgha aylandurush üchün bughday awwal yuyulup, qurutulidu, andin postidin ayrilip, oxshimighan chongluqta parchilinidu. chong parchilargha bölüngenliri köpinche gürüchke oxshash ishlitilse, kichik yeni inchike parchilargha bölüngenliri achaköklerde, köftilerde, dolmilarda ishlitilidu. bügün silerge «qisir» ni tonushturimiz.

«qisir» étish üchün kéreklik bolghan matériyallar töwendikiche:

• ikki istakan inchike bulghur
• ikki istakan qaynaq su
• bir qoshuq pemidur qiyami
• bir qoshuq qizilmuch qiyami
• 1/3 istakan zeytun yéghi
• bir dane posti soyulghan we kichik toghralghan pemidur
• 7 – 8 dane inchike toghralghan piyaz
• bir dane kichik toghralghan piyaz
• bir baghlam inchike toghralghan yumghaqsüt
• yérim baghlam inchike toghralghan pinne
• bir dane limonning süyi
• yérim qoshuq qarimuch
• yérim qoshuq tuz
• yérim qoshuq zire
• 9 – 10 yapraq xam kötat

«qisir» étish usuli mundaq:

• aldi bilen, inchike toghralghan bulghurni bir qachigha sélip, üstige qaynaq suni ilawe qiling, arqdin qachining üstini yéping.
• bulghur yumshighangha qeder texminen 15 – 20 minut etrapida kütüng.
• yumshighan we süyi pütünley qalmighan bulghurni dane – dane bolushi üchün bir - birige arilashturung.
• üstige pemidur we qizilmuch qiyamlirini, zeytun yéghini, limon süyini ilawe qilip, arilashturung.
• piyazni, pemidurni, yumghuqsütni we pinneni qoshung.
• tuz we tétitqularni ilawe qiling.