«türkiye oqush yardem puli» layihesi
türkiyening qelb köwrüki - 09
chet eldiki türkler we qérindash türkiy xelqler bashqarmisining layiheliri
«türkiye oqush yardem puli» layihesi
«türkiyening qelb köwrüki» namliq pirogrammimizda 3 heptidin béri chet eldiki türkler we qérindash türkiy xelqler bashqarmisini tonushturghan iduq, bü heptidin étibaren chet eldiki türkler we qérindash türkiy xelqler bashqarmisi teripidin ishqa ashurulghan layiheler arisida 2012 – yili ijra qilinishqa bashlanghan «türkiye oqush yardem puli» layihesi heqqide melumat bérishke tirishimiz.
«türkiye oqush yardem puli» pirogarammisi oqughuchilargha peqetla oqush yardem puli béridighan emes, shuning bilen birge yene, uniwérsitétlarghimu orunlashturush pirogrammisi bolup, bu alahidiki bilen dunyadiki bashqa oqush yardem puli pirogrammiliridin perqlinip turidu.
2018 – yilidiki istatékiliq melumatlargha asaslanghanda 164 dölettin 138 ming oqughuchining dölitimizde aliy maaripta oqush üchün iltimas sunghanliqini körüwalghili bolidu. ular uniwérsitétlardiki oqushlirini tamamlap döletlirige qaytqanda türkiye we türkiyediki aliy maaripqa alaqidar ijabiy qarashlirini öz xelqige anglitiwatqan bolghachqa bu sanning yilséri éshiwatqanliqi melum.
2000 – yillirining béshidin étibaren türkiyening tashqi siyasitidin kültürige, iqtisadiy tereqqiyatidin ijtimaiy siyasetlirigiche bolghan barliq sahelerde namayan qiliniwatqan katta iligirileshler xelqaraliq maarip sehesidimu öz ipadisini tapqan we bu sahede muhim qedemler tashlanghan idi.
«türkiye oqush yardem puli» ayliq yardem pulidin bashqa yene, ayropilan béliti, uniwérsitéttin qoshup bérilidighan hesse, sehiye sughurtisi, yataq we türkche öginish jeryanidimu oqush yardem puli bilen teminlesh qatarliqlarni öz ichige alidu. buninggha qoshumche süpitide oqughuchilargha türkiyede turghan mudditi jeryanida akadémik, ijtimaiy, medeniyet we tenterbiye paaliyetlirimu orunlashturup bérilmekte.
