danlarni we uruqchilarni bix urghuzghuchi heqiqeten allahtur

türkiye awazi radiyosi: enam sürisi, 95 – 101 – ayetler. danlarni we uruqchilarni bix urghuzghuchi heqiqeten allahtur, tirikni ölüktin we ölükni tiriktin chiqarghuchi ene shu allahtur, (allahning ibaditidin) qandaqmu bash tartisiler?[95]. allah sübhini (qarangghudin) yérip chiqarghuchidur (yeni tangni yorutquchidur), allah kéchini (siler üchün) istirahet qilip yaratti, (silerning) waqit hésablishinglar üchün quyash bilen ayni yaratti[96]. quruqluq we déngizning qarangghuluqlirida (yeni kéchilik yol yürgininglarda) yol tépishinglar üchün allah silerge yultuzlarni yaritip berdi. (allahning ulughluqini) bilidighan qewm üchün, (allahning qudritining) delillirini heqiqeten ochuq bayan qilduq[97]. allah silerni bir insandin (yeni adem eleyhissalamdin) yaratti, silerni atanglarning pushtida, ananglarning bechchidanida qararlashturdi, chüshinidighan qewm üchün ayetlerni heqiqeten ochuq bayan qilduq[98]. allah buluttin yamghur süyini chüshürdi, shuning bilen barliq ösümlüklerni ündürdi, ösümlüklerdin yéshil yapraqlarni chiqardi, (boghday we arpa bashaqlirigha oxshash) bir ـ birige mingiship ketken danlarni yétishtürdi, xorma derixining chéchekliridin yerge yéqin sanggilap turidighan xorma sapaqlirini yétishtürdi, (yamghur süyi bilen) üzümlük baghlarni yétishtürdi, (yamghur süyi bilen) shekilde, hejimde, temde bir ـ birige oxshaydighan we oxshimaydighan zeytun, anar derexlirini yétishtürdi, (ularning her birining) yéngi tutqan méwisige we pishqan méwisige qaranglar, ularda allahning barliqigha ishinidighan qewm üchün (allahning qudritini körsitidighan) ochuq deliller bar[99]. jinlarni allah yaratqan tursa, (mushriklar) jinlarni allahqa shérik qiliwélishti, allahqa jahalettin oghul, qizlarni oydurup chiqirishti, allah (mushriklar iptira qilghan nersilerdin) paktur, ularning süpetligenliridin üstündur[100]. allah asmanlarni we yerni örneksiz yaratquchidur, allahning xotuni yoq tursa, qandaqmu balisi bolsun? hemme nersini allah yaratqan, hemme nersini allah obdan bilgüchidur[101].