qeyseri 2- asasliq rémont zawuti mudirliqi

mudapiede milliy layiheler / 12

qeyseri 2- asasliq rémont zawuti mudirliqi

essalamu eleykum, türkiye awazi radiyosining hörmetlik ixlasmenliri, ikki heptide bir qétim anglitilidighan «mudapiede milliy layiheler» namliq sehipimizning bu heptilik sanida, türkiye herbiy, soda -sanaet uyushmisi maarip ishliri mudiri tarkan sezginning «qeyseride tanka rémuntxanisi» namliq maqalisini huzurunglargha sunimiz. qéni undaqta diqqitinglar bu heqtiki uchurlirimizda bolsun!

dölitimizde herbiy zawutlar muhim bayliqlirimiz hésablinidu. dölet orgini hésablinidighan herbiy zawutlar emgek küchi, paaliyetliri, imkaniyet we qabiliyetliri jehettin zor ehmiyetke ige.  türkiyening herbiy heriketliride we térrorluqqa qarshi küreshliride buning ehmiyitini téximu yaxshi hés qilghili bolidu.

qeyserige jaylashqan 2- asasliq rémont zawuti mudirliqining qurulush ishliri 1951 – yili bashlanghan bolup, bu zawut 1954- yilida «1020 – armiye eslihe rémont zawuti» nami bilen ishqa kirishtürülgen idi.  qomandanliq ismi bolsa, 1987 – yili «1009 – armiye eslihe rémont zawuti» gha, 2003 – yili «2- asasliq rémont merkiziy qomandanliqi» gha, 2016 – yilida «2- asasliq rémont zawuti mudirliqi» gha özgertilgen idi. hazirmu mushu isim bilen paaliyet qilmaqta. zawutta texminen 800 kishi xizmet qilidu. bulardin 480 kishi ishchi we qalghanliri herbiy ofitsér, muawin ofitsér we memurlardin teshkil tapidu. zawut yétekchiliri we xizmet xadimliri bilen birlikte ünümlük netijilerni yaritip kelmekte.

töwende,  türkiye herbiy, soda -sanaet uyushmisi maarip ishliri mudiri tarkan zenginning mesile heqqidiki analizini otturigha qoymaqchimiz... 

2- asasliq rémont zawuti mudirliqi türkiye armiyesi ishlitiwatqan bironiwik esliheler üchün rémont qilish, yéngilash, zamaniwiylashturulush, yaxshilash we zapchas ishlepchiqirish qatarliq mulazimetler bilen shughullinidu. tankilar, bironiwik esker toshughuchi aptomobillar, bironiwik urush aptomobilliri, bironiwik rakéta atar qatarliq aptomobil türlirini asasliq mulazimet obéyikti qilidu hemde bularni arqa sep yardem xizmiti bilenmu teminleydu.

qeyseri 2- asasliq rémont zawuti mudirliqining mulazimetliri töwendikiche:

1 – bironiwik aptomobillar üchün zapchas ishleshchiqirish؛

2 - bironiwik aptamobillarning motir we tizlik tengshügüch yaghlirini kontrol qilish؛

3 – éléktironluq we téxnikiliq mixanizmlirini derijilendürüsh؛

4 – dost we ittipaqdash dölet xadimlirigha wezipe üstide telim – terbiye bérish؛

5 – töwen qatlam qisimlargha herbiy meslihetchilik qilish؛

«M-60 T» tipliq tanka pütünley yéngilandi

qurulghandin buyan bironiwik aptomobillarni yingilash we zamainiwiylashturush xizmiti sunup kéliwatqan qeyseri 2- asasliq rémont  zawuti mudirliqi qolgha keltürgen tejribilirge tayinip, 2000 din artuq «M48AT1-T2» tipliq tankini zamaniwiylashturdi. shuningdek «TAMAY» markiliq tanka qutquzghuchi aptomobil, istéhkam urush aptomobili «İSA», köwrük yasighuch tanka qatarliqlarni ghelibilik halda yéngilidi. 2000 etrapida bénzinliq «M113 ZPT» aptomobil motorini dizélliq halgha keltürdi. may béki we eslihelirini zamamiwiylashturup, heriket qabiliyitini östürdi axirida «M113 A2T2» tipliq aptomobilgha aylandurdi.

bu aptomobillarning bir qismini türkiye armiyesining wezipe éhtiyajliri dairiside, istéhkam urush aptomobili, bironiwik qomandanliq orni aptomobili, jiddiy qutquzush aptomobili, qirghuchi aptomobil qatarliqlargha özgertishtimu utuqqa érishti. yéqinqi yillarda bolsa, «M60T» tipliq tankini zaminiwiylashturush bilen birge «MLC 70» tipiliq köwrük yasighuchi tankilarnimu ishlepchiqirish xizmitini tamamlidi.  «M60T» tipliq tankini zamaniwiylashturush layiheside tunji qétim türkiye tankisini partlashqa qarshi qoghdinish qalqini qabliyitige ige qildi. gewde özgertilgendin bashqa qoral sistémilirigha qeder zaminiwiylashturulghan 170 dane « M-60» tipliq tankilarning ismining arqisigha «türk» dégenni bildüridighan «T» herpi qoshuldi. bu tanka «M60T» nami bilen türkiye armiyesining aktip esliheliri arisidin orun aldi.

bashqiche qilip éytqanda, «M60T» tipliq tanka béshidin tirniqighiche toluq yéngilinip, türkye armiyesining buyruqigha tapshurup bérildi. tankilar yéngilanghandin kéyin, merkezde qurulghan köl we meshiq meydandanlirida her xil sinaqlardin ötküzüldi. hazirmu qeyseri 2- asasliq rémont zawuti mudirliqida urush yardem aptomatiklashtürüsh layihesi «ADOP-2000» bilen birge, «Leopard 2A4» tipliq tankilargha tanka pachaqlash alahidilikini qoshush xizmetliri dawamlashmaqta.

herbiy heriketlerge küch qoshuwatqan zawut

qeyseri 2- asasliq rémunt zawuti mudirliqi 2016 – yili élip bérilghan firat qalqini herikiti we 2017 – yili élip bérilghan zeytun shéxi herbiy heriketliri üchün qeyseri merkezdin qoshumche zapchas, motor, qoshumche üsküne qatarliqlarni yollash arqiliq yardem qildi. öz nöwitide yene éghir ziyangha uchrighan aptomobillarni rémunt qilishtimu aktip wezipe ötidi. mezkur heriketlerni qollap - quwwetlesh üchün merkez ismina ishleshni yolgha qoyüp, ishlepchiqirish, yéngilash, we rémont  qilish nisbitini ikki hesse ashurdi. heriket boluwatqan jayda éghir ziyangha uchrighan bironiwiklarni hem dölet ichide, hem chégra sirtida qutquzush, rémont  qilish we yötkesh xizmetlirini rayongha yollighan seyyare xadimliri bilen heriket bashlanghan kündin tartip, taki axirlashqiche bijanidil orundap keldi. bu herbiy karxanidin yollanghan ishchilar we bashqa herbiy xadimlar seyyare etretler bilen birge, afrindiki firat qalqini we zeytun shéxi heriketliride teng küresh qildi.

nurghun sanda süpet we ghelibe mukapatigha érishken karxana

qeyseri 2- asasliq rémont  zawuti mudirliqi layihelesh we ishlepchiqirish paaliyetliri dairisidiki «AQAP-2110» (layihelesh, tereqqiy qildurush we ishlepchiqirishta nato süpitini kapaletke ige qilish) boyiche, shimali atlantik ehdi teshkilati (nato) ning sanaetleshken süpet kapaliti sistémisi guwahnamisigha shundaqla hertülük muhit belgilimilirige uyghun paaliyet qilghanliqini körsitidighan «TS EN ISO 14001» namliq muhit idar qilish sistémisi layaqetnamisigha ige boldi.

qeyseri 2- asasliq rémont  zawuti mudirliqi özining esli wezipisidin sirt, supet xizmetlirigimu alahide ehmiyet bermekte. 2017 – yili 4 – martta türkiye süpet bashqurush jemiyitige eza boldi we 2017 – yili 8 – öktebirde döletlik süpet xizmetliri herikitini bashlighan tunji herbiy zawut bolush unwanigha érishti. dölet mudapie ministirliqi teripidin nuqtiliq zawut bolup tallanghan qeyseri 2- asasliq rémont  zawuti mudirliqi qiliwatqan xizmetliri we xizmet teyyarliqliri nuqtisidin 3 yultuzluq heq - hoquqqa ige bolush guwahnamisghimu érishti.

yuqirida, «mudapiede milliy layiheler» namliq sehipimizning bu heptilik sanida, türkiye herbiy, soda -sanaet uyushmisi maarip ishliri mudiri tarkan zenginning «türkiyening tunji milliy sezgür nishan belgilesh apparati» mawzuluq maqalisini huzurunglargha sunduq.