doktor erkin ekremning idlib kirizisi toghrisidiki analizi

rusiye we esed qisimlirining süriyening idlib rayonigha arqa-arqidin hujum qilishi bilen idlib mesilisi birdinla xelqaraning qiziq nuqtisigha aylandi. türkiyege qoshna bolghan idlib rayonining weziyitining birdinla keskinliship kétishi türkiyedila emes yawropa ittipaqi, birleshken döletler teshkilati we bezi chong döletlerde qattiq ghulghula qozghidi. xelqaraliq teshkilatlar we bezi döletler idlib rayonining nöwettiki weziyiti toghruluq bes-bes bilen bayanat élan  qilishti. süriye öktichiliri, bezi térrorluq teshkilatliriningmu barliqi qeyt qilinghan idlib rayonining weziyiti süriyening bashqa jaylirida qarighanda nisbeten muqim idi, biraq  rusiye bilen esed qisimliri idlibning bu muqim weziyitini buzuwetti,  türkiyege qoshna bolghan idlibte pajie yüz berse tesiri hemmidin bek türkiyege bolatti, chünki idlibliklerning türkiyege kélish éhtimali tolimu yuqiri. buningdin bashqa nurghun meslimu bar elwette. idlib mesilisi uzundin buyan türkiyege nisbeten tolimu muhim orunda turup kelgen mesililerdin biri bolup kéliwatatti we  iran we rusiye qatarliq döletler bilen idlib mesilisini hel qilish üchün uzundin izdinip kéliwatqanidi, bu dairde astana muzakiriliri dairiside idlib toqunushni peseytish rayoni dairisige kirgüzüldi, lékin bu qétim idlbning weziyitining keskinliship kétishi  nurghun mesile we endishilerni peyda qildi.

idlib rusiye, esed, iran we türkiye, hetta amérikigha nisbeten néme üchün bunchiwéla muhim? nawada idlib keng kölemlik hujumgha uchrisa qandaq aqiwetler kélip chiqidu? türkiye néme üchün idlibte mesile peyda bolushidin ensireydu?