allah (éhsan qilish yüzisidin bendilirige) rehmet qilishni öz üstige aldi
héchqandaq guman bolmighan qiyamet küni allah silerni elwette yighidu, (kufrini ixtiyar qilishi bilen) özige özi ziyan salghanlar iman éytmaydu.
türkiye awazi radiyosi: enam sürisi, 9 – 18 – ayetler. biz peyghemberni perishtidin qilghan teqdirdimu, elwette, uni insan sheklide qilattuq, ularni yene shübhige chüshürettuq (yeni ular perishtini insan sheklide körgende: «bu insan, emma perishte emes» deytti)[9]. sendin ilgiri ötken peyghemberler (kapirlar teripidin) mesxire qilindi, mesxire qilghuchilar mesxire qilghanliqlirining aqiwétini kördi[10]. (i muhemmed! bu mesxire qilghuchilargha) éytqinki, «zéminda seyr qilinglar, andin peyghemberlirini inkar qilghanlarning aqiwétining qandaq bolghanliqini közdin kechürünglar»[11]. (i muhemmed!) éytqinki, «asmanlardiki, zémindiki mewjudatlar kimning?» (ulargha) éytqinki, «allahning». allah (éhsan qilish yüzisidin bendilirige) rehmet qilishni öz üstige aldi, héchqandaq guman bolmighan qiyamet küni allah silerni elwette yighidu, (kufrini ixtiyar qilishi bilen) özige özi ziyan salghanlar iman éytmaydu[12]. kéche we kündüzde jim turghan (yaki heriketlinip turghan) sheyilerning hemmisi allahning mülkidur, allah (bendilirining sözlirini) anglap turghuchidur, (ularning ehwalini) bilip turghuchidur[13]. (i muhemmed!) bu mushriklargha éytqinki, «asmanlarni, zéminni yoqtin bar qilghuchi allahtin gheyriyni mebud tutamdim? allah riziq béridu, özi riziqqa mohtaj emes». (i muhemmed!) éytqinki, «men (bu ümmet ichide xudaning emrige) boysunghuchilarning ewwili bolushqa buyruldum. (manga déyildiki) sen hergiz mushriklardin bolmighin»[14]. (ulargha yene) éytqinki, «eger men rebbimge asiyliq qilsam (yeni perwerdigarimdin gheyriyge ibadet qilsam), büyük künning (yeni qiyamet künining) azabidin elwette qorqimen»[15]. mushu künde kimki azabtin qutulidiken, allah uninggha rehmet qilghan bolidu, ene shu roshen nijat tapqanliqtur[16]. eger allah sanga birer külpet yetküzse, uni allahtin bashqa héchkim kötürwételmeydu, eger allah sanga birer yaxshiliq yetküzse (u chaghda uninggha héchkim arilishalmaydu), chünki allah her nersige qadirdur[17]. allah bendilirining üstide qahirdur (yeni allah bendilirini tizginlep turghuchidur), u hékmet bilen ish qilghuchidur, hemmidin xewerdardur[18].
