nato parlaméntlar kéngishi we gollandiyening edebsizliki

shimaliy atlantik ehdi teshkilati nato parlaméntlar kéngishi türkiye wekili bashliqi osman ishik bak, natodiki ittipaqdashliridin bolghan gollandiyedin ittipaqliq rohigha muwapiq heriket qilishni kütüwatqanliqlirini bildürüp mundaq dédi: «gollandiye dairilirini özge döletlerge kozur süpitide ishlip kéliwatqan qimmet qarashlargha riaye qilip, ikki yüzlimichilik we qosh ölchemlik pozitsiyesidin waz kéchishke chaqirimen.»

osman ishik bak bu heqte yazma bayanat élan qilip, tashqi ishlar ministiri mewlüt chawushoghluning gollandiyediki türkler bilen dédarlishishi üchün 11-martta élip barmaqchi bolghan gollandiye ziyaritining türlük tosalghulargha uchrishishi netijiside emeldin qaldurulushini eyiblidi.

shu küni gollandiye dairilirining gollandiyede ziyarette bolghan aile we ijtimaiy syasetler ministiri fatma betül sayan kayagha qilinghan edebsizlik qilmishini qobul qilishning mumkin emeslikini alahide eskertip ötken bak, türk millitining iradisining wekilige we bir ministirgha, bolupmu bir xanimgha bundaq muamile qilishning, türk milliti we türkiye dölitige haqaret ikenlikini, insaniy meniwi bayliqlirining depsende qilinghanliqini éytti.

osman ishik bak gollandiye dairilirining ministir fatma betül sayan kayagha,  gollandiyediki diplomatik wekaletxanilargha we türklerge diplomatik we démokratik pirinspilargha tamamen zit halda qilghan edebsizliklirini , nato parlamétnlar kéngishi wekili bolush süpiti bilen qattiq eyibleydighanliqini eskertti.

osman ishik bak, natoning qurghuchi ezaliridin bolghan, shundaqla türkiye bilen 400yildin artuq dawamliship kéliwatqan tarixiy we diplomatik munasiwetlerge ige bolghan gollandiyening bu düshmenlerche pozitsiyesi we siyasetlirining, 1961-yildiki diplomatik munasiwetlerge alaqidar wiyana ehdinamisi bilen 1963-yildiki konsolxana munasiwetlirige alaqidar wiyana  ehdinamisini ochuqtin-ochuq depsende qilish bolidighanliqini bildürdi.

gollandiye xewpsizlik dairilirining tinch halda yighin ötküzüsh hoquqidin paydilanghan türk jamaetchilikige gheyri insaniy muamililerni qilip muwazinetsiz küch ishletkenlikini éytqan osman ishik bak, yawropa kéngishi ezasi bolush süpiti bilen yawropa insan heqliri ehdinamisigha riaye qilish mesuliyiti bolghan gollandiye hökümitining, xelqara mesuliyetlirini ada qilmighanliqini alahide eskertti.

bu weqelerni közitip kéliwatqan taratqu xadimlirining xewer élish we xewer tarqitish erkinliklirining, muwazinetsiz küch ishilitilip tosalghu uchrighanliqini eslitip ötken osman ishik bak munularni bayan qildi: «gollandiye dairilirining bu qilmishi gollandiyediki türk jamaetchilikining  dimokratik heq-hoquqliri we izzet-abroyigha qilinghan tajawuzchiliqtur. gollandiye hökümitining türkiye ministirlirigha,  diplomatik wekaletxanilirimizgha, xelqqe we taratqu xadimlirigha tutqan düshmenlerche muamilisi yawropa terghip qilip kéliwatqan qimmet-qarashlar we démokratiyege tehdit shekillendürmekte. bu wehimiylik hadise yawropa ittipaqi üchünmu éghir sinaq hésablinidu, yawropa ittipaqi gollandiyening bu qilmishigha naraziliq bildürmey tégishlik qedemlerni tashlimisa, kündin-künge xunuklishiwatqan obrazi we ishenchilikidin ayrilip qalidu. yawropa qitesi islamiy fobiya (islam endishisi) we türk fobiya (türk endishisi) illetlirining changgilida ingrimaqta. uzun yillardin buyan türkiyege insan heqliri, qanunning üstünlüki we démokratiye toghrisida ders bérip kéliwatqanlar, bu qimmet-qarashliri we idiyelerdin tolimu yiraqta ikenlikini, birinchi we ikkinchi dunya urushlirida ölüp ketken on milyonlarche insanning ölümi we échinishliq tiragédiyelerdin tégishlik ibretning hazirghiche élinmighanliqighimu nahayiti qayghu ichide shahit boliwatimen. gollandiyening bu fashist siyasetlirining barliq yawropagha kéngiyip ketmeslikini, bu qayghularning qayta yüz bermeslikini ümid qilimen.

bu sewebtin gollandiyening démokratiye, insan heqliri we erkinliklerning rohigha zit bolghan fashist we edebsizlik qilmishini yene bir qétim eyibleymen. nato sépide ittipaqdashlirimizdin bolghan gollandiye hökümitidin ittipaqdashliq pirinsipigha muwapiq heriket qilishini kütimiz. gollandiye dairilirini özge döletlerge kozur süpitide ishlip kéliwatqan qimmet qarashlargha riaye qilip, ikki yüzlimichilik we qosh ölchemlik pozitsiyesidin waz kéchishke chaqirimen.»