18 – mart chanaqqele déngiz zepiri
osmanli armiyesi ishghalchi küchlerni qattiq meghlubiyetke uchratqandin kéyin, «chanaqqeledin ötüsh mumkin emes» dégen söz otturigha chiqqan idi.
türkiye awazi radiyosi: 1– dunya urushigha qatnashqan osmanli impratorluqining paytexti istanbulni ishghal qilip, bu döletni urushning sirtida qaldurmaqchi bolghan engliye bilen firansiyening herbiy paraxotliri, chanaqqele boghuzidin ötüshke urundi. buning netijiside bashlanghan chanaqqele urushi osmanli armiyesining zor ghelibisi bilen axirlashti. engliye bilen firansiyening déngiz armiyesi éghir meghlubiyetke uchrap, chékinishke mejbur boldi. engliye bilen firansiye chanaqqele boghuzidin ötelmeydighanliqlirini chüshinip yetkendin kéyin, quruqluq urushini bashlidi. türk milliti köp chiqim tartqan bolushigha qarimay, jasaret bilen pidakarliq körsitishi netijiside, ishghalchi küchler chanaqqele boghuzidin ötelmidi.
«chanaqqeledin ötüsh mumkin emes» dégen söz, dost – düshmen chüshinip yételeydighan rewishte yene bir qétim tekrarlandi. chanaqqele zepirini 101 yilliqi munasiwiti bilen, chongqur yad étimiz.
