shimaliy amérikada kün tutuldi
amérika, kanada we méksikada milyonlighan kishiler shimaliy amérika qitesidiki toluq kün tutulushni kördi.
türkiye awazi radiyosi xewiri: méksikaning mazatlan shehiride 8-aprél (2024) shu yer waqti 11 din 7 minut ötkende bashlanghan kün tutulush hadisisi, amérikaning sherqiy shimaligha qarap ilgirilep, kanadada 17 din 16 minut ötkende axirlashti.
amérikada 13 ishtattiki yüzligen sheher we bazarlarda milyonlighan kishi kün tutulushni alahide közeynek hemde téléskoplar bilen közetti. künning toluq tutulushi 6 ming 437 kilométir uzunluqta, texminen 44 milyon nopus yashaydighan amérika, kanada we méksika zéminlirida 186 kilométir kengliktiki linyede körüldi. buning sirtida kün tutulush qismen körüldi.
milyonlighan kishiler ay shari aylinip qoyash bilen yersharining otturisigha kelgende, qoyashning köp qisimini ay shari tosuwalghanda yüz béridighan kün tutulush hadisisini körüsh üchün, bolupmu toluq kün tutulush körülidighan rayonlargha sel bolup aqti.
2024-yilning ikkinchi kün tutulushi 2-öktebir chili we argéntinaning jenubida yüz béridu. amérikada kéler qétim 2044-yili toluq kün tutulidu.
shimaliy yérim sharda 2021-yili 10-iyun astronomlar «ot chembiri» dep ataydighan kün tutulush hadisisi yüz bergen idi.
مۇناسىۋەتلىك خەۋەرلەر
seudi erebistandiki tunji opéra oynaldi
seudi erebistanning tunji chong opéra paytext riyadta tunji qétim oynaldi.
