girétsiye selaniktiki yéngi jame héytta ibadetke échilidu
girétsiyening ikkinchi chong shehiri selanikta eng muhim osmanli yadikarliqliridin biri hésablinidighan «yéngi jame» ning héyt namizi üchün ibadetke échilidighanliqi bildürüldi.
türkiye awazi radiyosi xewiri: girétsiye diniy ishlar bash katibatliqi selaniktiki «yéngi jame» ning héytta ibadetke échilidighanliqini uqturdi. bu heqtiki bayanatta, 10-aprél (2024) roza héytta selaniktiki yéngi jame bilen rodos arilidiki süleymaniye jamesining échilidighanliqi qeyt qilindi.
yéngi jame 2013- we 2014-yillirimu héyt namizi üchün échilghan, emma gherbiy trakya türkliri saylighan muftining xizmet qilishigha ruxset qilinmighan idi. selaniktiki musulmanlar buninggha qarshi girétsiye hökümiti teyinligen imamning keynide namaz oqumay naraziliq bildürgen idi. 2018-yiligha kelgende yéngi jamede 200 kishi tunji qétim özliri gherbiy trakyada saylighan mufti we muezzining bashchiliqida namaz oqughan idi.
selanikta osmanli dewride 1902-yili italiyelik mimar witalyano poselligha saldurulghan yéngi jame, 1925-yildin 1963-yilghiche bolghan ariliqta muzéy qilinghan idi.
girétsiye medeniyet we sayahet ishliri ministirliqi teripidin 1986-yili rémont qilinghan jame, selanik sheherlik hökümitining körgezme zali süpitide qollinilmaqta.
