«odéssiys» alem apparati aygha qondi
amérikaning «odéssiys» (Odysseus) apparati aygha qondi. bu 1972-yildin buyanqi amérikaning tunji qétim alem apparatining aygha qonushi bolup hésablinidu.
türkiye awazi radiyosi xewiri: amérika döletlik awiyatsiye we alem qatnishi idarisi-nasa (NASA), «Intuitive Machines» shirkitining « IM-1»wezipisi dairiside «SpaceX» yasighan «Falcon 9» rakétasi bilen alem boshluqigha ewetilgen «odéssiys» alem apparatining, ayning jenubiy qutubidiki rayongha ürümchi waqti 05.23 de qonghanliqini élan qildi.
nasaning bashqurghuchisi bil nélson (Bill Nelson) neq meydan tarqitishta: «amérika bügün yérim esirdin artuq waqittin buyan tunji qétim aygha qaytti. bügün nasaning soda shérikliri küchini we wedisini namayan qilghan bir kün» dédi.
aygha qonup 15 minut ötkendin kéyin ajiz bolsimu signal ewetishke bashlighan «odéssiys», aridin 50 yildin artuq waqit ötkende, ayning yer yüzige qonghan tunji xususiy shirket yasighan alem apparati bolup qaldi. «odéssiys» «17-apollo» din kéyin, aygha yenggil qonghan amérikaning bir xususiy shirkitining alem apparati bolushi süpitide tarixqa yézildi.
«odéssiys» 15-féwral «SpaceX» yasighan «Falcon 9» rakétasi bilen floridaning kénnédiy alem merkizidin qoyup bérilgen idi.
nasa bir qanche yil ichide aygha adem ewetish pilani ramkisida, «Intuitive Machines» shirkitige «odéssiys» ni yasishi üchün 118 milyon dollar töligen idi.
مۇناسىۋەتلىك خەۋەرلەر
seudi erebistandiki tunji opéra oynaldi
seudi erebistanning tunji chong opéra paytext riyadta tunji qétim oynaldi.
