girifitis ghezzediki wehshiylerche hujumning bunche uzungha sozulushigha qarshi chiqti
birleshken döletler teshkilati insanperwerlik yardem ishlirigha mesul bash katip martin girifitis ghezzediki wehshiylerche toqunushning bunche uzungha sozulushining kolléktip angda öchmes dagh bolup qalidighanliqini tekitlidi.
türkiye awazi radiyosi xewiri: martin girifitis ijtimaiy alaqe supisi éks (X( adrésida, israiliyening hujumliri sewebidin öltürülgen pelestinlikler sanining 20 mingdin éship ketkenliki toghrisida uchur hembehrlidi.
martin girifitis ghezzede adem ölüsh nisbitining yene qorqunchluq we nomus qilarliq burulush nuqtisigha yetkenlikini tekitlep, jiddiylikning küchiyishini keltürüp chiqarghan weqelerning yirginishlik ikenlikini, arqidin dawamlashqan weqelerning bolsa, wijdansizlarche ikenlikini eskertti.
girifitis barliq tereplerning xelqara insanperwerlik qanuni dairisidiki mesuliyitini ada qilishi we puqralarni qoghdishi kéreklikini tekitlep, tutqunlarning qoyup bérilishi kéreklikini otturigha qoydi.
köp tereplik eyiblesh, jismaniy we rohiy weyranchiliqlar shundaqla éghir buzghunchiliqqa qarimastin toqunushning dawamlishiwatqanliqini eskertken girifitis: «ghezzediki wehshiylerche toqunushning uzungha sozulushi bizning kolléktip éngimizda öchmes dagh bolup qalidu» dédi.
girifitis toqunushni axirlashturush chaqiriqini qayta tekitlidi.
