erdoghan we repiqisi emine xanim aybüke filimini birlikte kördi
erdoghan we emine erdoghan batmanning kozluq nahiyeside 2017-yili yüz bergen térrorluq weqeside shéhit bolghan 22yashliq oqutquchi shenay aybükening oqutquchiliq hayati mezmun qilinghan«aybüke؛ men oqutquchi boldum!»filimini tonushturush paaliyitige qatnashti.
türkiye awazi radiyosi xewiri: türkiye radiyo-téléwiziye idarisi-t r t bilen birlikte ishlengen we 24-noyabir oqutquchilar bayrimi munawiti bilen her qaysi kinoxanilarda qoyulidighan filimni tonushturush paaliyiti, paytext enqerediki beshtepe xelq kongre we medeniyet merkizide ötküzüldi.
jumhur reis rejep tayyip erdoghan filimni repiqisi emine erdoghan, shéhit oqutquchi aybüke yalchinning anisi zehra, dadisi sadiq, inisi aybars yalchin we filmde rol alghan artislar birlikte kördi.
filim axirlashqanda, shéhit oqutquchining ailisi sehnide rejep tayyip erdoghan we emine erdoghangha aybüke yalchinning «baghlima» chalghusini hediye qildi.
t r t bash mudiri mehmet zahid sobajimu emine erdoghangha shéhit aybüke yalchinning simwolluq fotografida qollinilghan qizil yéziqni we baghlimaning minyaturini teqdim qildi.
mezkur filimning sénariyesini ughur qilich bodur yazghan bolup, murat onbul rézhissorluq qildi.
مۇناسىۋەتلىك خەۋەرلەر
seudi erebistandiki tunji opéra oynaldi
seudi erebistanning tunji chong opéra paytext riyadta tunji qétim oynaldi.
