kuweyt «barbié» we «men bilen paranglash» namliq filimlerning qoyulushini cheklidi

türkiye awazi radiyosi xewiri: kuwet resmiy xewer agéntliqi — kunaning xewer qilishiche, kuweyt uchur – alaqe ministirliqining metbuat we neshriyatchiliq ishlirigha mesul muawin meslihetchisi, kino - filimlerni nazaret qilish komitéti bashliqi lafiy essabi «barbié» we «men bilen paranglash» qatarliq kinolarning kuweytte qoyulmaydighanliqini bildürdi.

komitétning ijtimaiy exlaq we örp- adetni qoghdash xizmetliri dairiside yuqirida tilgha élinghan filimlerning qoyulushini chekligenlikige isharet qilip ötken sabi sözini dawamlashturup: ««komitét bir filimning qoyulushigha ruxset qilishtin ilgiri namuwapiq körünüshlerning öchürüwétilishini telep qilidu. eger filimde jemiyetning qimmet qarishigha mas kelmeydighan uchurlar bolsa, uning qoyulushi cheklinidu. bu belgilime xelqimizning qimmet qarishi we enenisige mas kelmeydighan mezmundiki her qandaq filim üchün küchke ige» dédi.

liwanmu barbié filimining «exlaq we diniy» qimmet qarashlargha xilap mezmunlarni hemde qosh jinisliqni gewdilendürgenliki üchün dölet miqyasida qoyulmaydighanliqini élan qilghanidi.