dölet mudapie ministirliqi osmanli barabanchilar birleshmisi qazaqistanda konsért berdi

türkiye awazi radyosi xewiri:  qazaqistan dölet mudapie ministirliqi teripidin paytext astana qurulghanliqining 25 - yilliqi munasiwiti bilen, bu yil (2023) tunji qétimliqi uyushturulghan «xelqara herbiy muzika etriti féstiwali» yépilish konsérti bilen axirlashti.

astanadiki baris-aréna sariyida ötküzülgen féstiwalning yépilish konsértigha, qazaqistan bash ministiri elixan ismailow we dölet mudapie ministiri ruslan jaksilikowmu qatnashti.

qazaqistan, türkiye, ezerbeyjan, özbékistan, rusiye, xitay, yaponiye we hindistan qatarliq döletlerning herbiy muzika etretliri sehnige chiqqan konsértni texminen 7 ming kishi kördi.

konsértta öz döletlirige xas forma kiygen herbiy muzika etretliri herbiy muzika we klassik eserlirini orunlidi.

féstiwalda, türkiye dölet mudapie ministirliqi osmanli barabanchilar etriti türkiyege wekillik qildi.

osmanli barabanchi etritining janliq we netijirengdar nomurliri qazaqistanliq tamashibinlarning qizghin alqishigha érishti.