shiwéytsiyede quran kerim köydürüldi
shiwéytsiyening paytexti stokholmda salwan momika isimlik esli iraqliq kishi stokholm jamesining aldida saqchilarning qoghdishi astida quran kerimni köydürdi.
türkiye awazi radiyosi xewiri: momika saqchilarning keng kölemde qoghdishi astida stokholm jamesining aldigha bérip, jamening etrapidikilerning naraziliqigha qarimay quran kerimni köydürdi we islam dinigha haqaretlik sözlerni qildi.
shiwéytsiye saqchi idarisi qurban héytning birinchi küni sadir qilinghan qutratquluq qilmishi sewebidin weqe yüz bérip qélishining aldini élish üchün stokholmdiki barliq saqchilarni stokholm jamesining aldigha yighdi.
stokholm jamesi jemiyitining reisi mehmud xelfi qutratquluqqa ruxset qilinishigha qattiq naraziliq bildürdi hemde bu weqening musulmanlarni qattiq biaram qilghanliqini éytti.
shiwéytsiye oxshimighan irqlar partiyesining reisi mikail yükselmu bu qutratquluq qilmishini qattiq eyiblidi.
shiwéytsiyede féwral éyida esli iraqliq salwan momika iraqning stokholm elchixanisining aldida, esli afriqaliq kiris makondut türkiyening stokholm elchixanisi aldida quran kerimni köydürmekchi bolghan, emma saqchilar bixeterlik sewebidin buninggha yol qoymighanidi.
