seudi erebistangha hej we ömre üchün 1 milyondin artuq kishi yétip keldi
seudi erebistan hej we ömre ministirliqi hej üchün chet ellerdin 1milyondin artuq kishining yétip kelgenlikini élan qildi.
türkiye awazi radiyosi xewiri: seudi erebistan hej we ömre ministirliqining ziyaret ishliri meslihetchisi muhemmed el bijawi <el exbariye> téléwiziye qaniligha bergen bayanatida, ministirliqning muqeddes tupraqlargha hej ibaditini ada qilish meqsitide kelgenlerge mulazimet qilish üchün barliq imkaniyetliri bilen xizmet qiliwatqanliqini bildürdi.
bijawi hajilarni kütüwélish üchün barliq chégra éghizlirining échilghanliqini, hej üchün kelgenlerni qarshi élishqa shundaqla kirish resmiyetlirini téz béjirishke qarita eng yuqiri teyyarliq xizmetlirini tamamlighanliqlirini éytti.
medine we mekkediki barliq ayrodurumlarning hejge kelgenlerge qaritilghan tertiplerning bixeterlikige kapaletlik qilish üchün pütün küchi bilen tirishiwatqanliqini eskertken bijawi, hazirgha qeder chet ellerdin 1milyondin artuq kishining yétip kelgenlikini bildürdi.
