kirodiyede türkiyediki yer tewresh apitide talapetke uchrighanlar üchün konsért bérildi
kirodiyening paytexti zagrébta 6 – féwral küni qahramanmarashni merkez qilghan türkiyening 11 wilayitide yüz bergen yer tewresh apitide talapetke uchrighanlar üchün konsért bérildi.
1991541
türkiye awazi radiyosi xewiri: türkiye hawa yolliri shirkitning qollishi astida, kirodiye-türkiye dostluq jemiyiti, kirodiye yashlar muzikiliq tiyatir ömiki, türkiyening zagréb shehiride turushluq elchixanisi, kirodiye medeniyet we axbarat ministirliqi, zagréb sheherlik hökümiti teripidin orunlashturulghan konsértta, zagréb simfoniye orkéstiri bilen türk royalchi haqan eli toker konsért nomurlirini orunlidi.
kirodiye-türkiye dostluq jemiyitining reisi goran béus bayirbérg bu yerde qilghan sözide, konsért bélitidin kirgen kirimning türkiyediki yer tewresh apitide talapetke uchrighanlar üchün ishlitilidighanliqini éytti.
igilinishiche, konsértqa 1300 kishi ishtirak qilghan.