heptide töt kün ishlesh salametlikke paydiliq

türkiye awazi radiyosi xewiri: bir yéngi tetqiqat tetijisige asaslanghanda, heptide töt kün ishlesh, qayghu we bésimni azaytishtin, uyqu we chéniqish üchün téximu köp waqit ajrish nuqtisidin xizmetchilerning salametlikige paydiliq iken.

engliyediki kembirij uniwérstéti ijtimaiy penler piroféssori, xizmet qilishning pisxologiyelik parawanliqqa körsitidighan tesirliri heqqidiki ilmiy tetqiqat doklatining yazghuchisi bréndan burshél (Brendan Burchell) bu heqte toxtilip: «ilmiy jehettin qarighanda, bu heqiqetenmu ijabiy netije boldi» dédi.

tetqiqatqa qatnashqan we köpinchisi engliyediki shirketlerning yérimidin köpirekide ishleydighanlargha düshenbe yaki jüme künliri ruxset bérilgen. bashqa shirketlerde, pilan-pirogrammiliq halda yaki hepte boyiche ishlesh waqtini qisqartish usuli qollinilghan.

alte ayliq sinaq mezgilide, xizmetchilerning heptilik ishlesh waqti 38 saettin 34 saetke chüshürülgen.

tetqiqatta qeyt qilinishiche, töt künlük ishleshning nurghun xizmetchilerning salametliki üchün téximu yaxshi iken.

tetqiqatqa qatnashqanlarning %40 i xizmet toghrisida az bésim hés qilghanliqini, %71 i harghinliq hés qilish derijisining nahayiti bolghanliqini éytqan. yene %40 xizmetchi rohiy jehette özini téximu yaxshi hés qilghanliqini éytqan bolsa, köp qisim xizmetchiler qayghu we selbiy héssiyatlirida aziyish körülgenlikini éytqan.

tetqiqatqa qatnashqan xizmetchilerning texminen %40 i sinaq mezgilde beden saghlamliqining téximu yaxshi bolghanliqini, buning sewebining özi qiziqidighan ishlargha, chéniqishqa, tamaq étishke, ailisidikiler bilen waqit ötküzüshke we bashqa paaliyetlerge yéterlik waqit ajritalaydighan bolghanliqidin ikenlikini bildürgen.

xizmetchilerning texminen yérimi tetqiqatqa qatnishishtin ilgirikidek harghinliq hés qilmaydighanliqini, %40 i rahet uxliyalaydighan halgha kelgenlikini éytqan.