türkiyelik alem uchquchisi kéler yili alem sepirini bashlaydu

türkiye awazi radiyosi xewiri: türkiye alem agéntliqi bashliqi serdar hüseyin yildirim konyada ötküzülgen bir konféransta: «mushu yil (2022) axiri alem uchquchimizning teyyarliqi pütidu» dédi we tunji türkiyelik alem uchquchisining kéler yili alem boshluqigha chiqidighanliqi xush xewirini berdi.

u ay shari tetqiqat wezipisini üstige alidighan alem kémisining axirqi layihesi toghrisidimu melumat berdi.

u: «alem kémisining deslepki lyihesi alliburun pütken idi. hazir axirqi layihesi pütüsh aldida. pütkendin kéyin yasash bashlinidu» dédi.

u alem kémisining sepirini 2024-yili bashlaydighanliqini eskertip: «yerlik motor bu kémining eng muhim parchisi. mundaqche éytqanda, alem kémisini aygha apiridighan motorimiz pütünley öz küchimizge tayinip yasighan rakéta motori. sinaq xizmetliri intayin muweppeqiyetlik boldi. buni alem motorigha aylandurushqa tirishimiz. elwette buninggha waqit lazim. oxshimighan shekillerde sinaq qilimiz. bu sinaqlargha bizmu qatnishiwatimiz, shunga sinaqlarning nahayiti yaxshi boluwatqanliqini éytalaymen» dédi.