eziz sanjar rak késelliklirini dawalash usuli toghrisida xush xewer berdi
nobél mukapatigha érishken türk alimi piroféssor doktor eziz sanjar rakqa munasiwetlik kishini hayajanlanduridighan tetqiqatlirini türkiye bilen ortaqlishidighanliqi toghrisidiki xush xewirini berdi.
türkiye awazi radiyosi xewiri: maarip ministirliqining teklipi bilen, maarip kampusining échilish murasimigha qatnishish üchün amérikadin enqerege yétip kelgen eziz sanjar, ilmiy tetqiqatlirigha munasiwetlik melumat berdi.
u yéngi tetqiqati toghrisida tunji qétim toxtilip: «türkiyege kélishtin bir qanche kün ilgiri yéngi sheyiylerni bayqiduq. bu ilmiy- asasliq tetqiqat usuli, rak késelliklirini dawalimaydu. emma, bizge oxshash bilim insanliri üchün éytqanda kishini hayajangha salidighan netije» dédi.
u tetqiqatining rak késelliklirini dawalashqa paydisi bar-yoqluqi toghrisidiki soalgha: «tetqiqatimiz DNA ni asirashqa munasiwetlik. bu yéngi tetqiqat métodi hésablinidu. men bu métodni bir yil ichide türkiyege yetküzüleymen» dep jawab berdi.
u mezku tetqiqatigha munasiwetlik maqalisining hazirche élan qilinmighanliqi üchün tepsilati toghrisida uchur bérelmeydighanliqini bildürdi.
مۇناسىۋەتلىك خەۋەرلەر
seudi erebistandiki tunji opéra oynaldi
seudi erebistanning tunji chong opéra paytext riyadta tunji qétim oynaldi.
