enqere uniwérstétining tetqiqatchiliri ikki pilanéta bayqidi
enqere uniwérstéti astronomiye we alem bilimliri bölümining tetqiqatchiliri yer sharidin 1336 nur yili yiraqliqtiki «451-képlér» qosh yultuz sistémisida ikki pilanéta bayqidi.
türkiye awazi radiyosi xewiri: enqere uniwérstéti ilim-pen fakultéti astronomiye we alem bilimliri fakultétining bashliqi, piroféssor doktor selim osmanselam, enqere uniwérsititi kréykén resetxanisining piroféssor doktor bérahitdin albayrak téléskopi we chanakkale 18-mart uniwérsitétining téléskopi bilen, qosh yultuzning nur ölchimini közetkenlikirini bildürüp, buningda «képlér we tés» (TESS) alem téléskopi arqiliq érishken közitishlerdinmu paydilinilghanliqini qeyt qildi.
u: «bu közitishler arqiliq <képlér-451> sistémisida ilgiri bayqalghan planétadin bashqa, yupitér chongluqidiki ikki chong pilanétaning barliqini bayqiduq» dédi.
qosh yultuzlar etrapidiki 21-we 22-nomurluq pilanétalarning bayqilishi bilen, bu nuqtida bayqalghan pilanétalar sanining 22 ge köpeygenlikini tekitlidi.
u: «pilanétalarning biri yupitér massisining texminen 1.5 hessige, yene biri ikki hesisige toghra kélidu. pilanétalar gazdin shekillengen bolghachqa, hayatliq bolush éhtimali yoq» dédi.
«képlér-451» sistémisidiki pilanétalarning bayqilishi toghrisidiki ilmiy maqale, engliyediki oksford uniwérsitéti neshriyati teripidin neshir qilinidighan we bu sahediki eng nopuzluq zhurnallardin biri «xan jemeti astronomiye jemiyitining ayliq zhurnili» da élan qilindi.
