ezerbeyjanda «késishish» namliq filim qizghin alqishigha érishmekte
ezerbeyjan bilen türkiyede birla waqitta qoyulushqa bashlighan «késishish: eren, mewjutluqung némidégen güzel» namliq filim kino mestanilirining qizghin alqishigha érishmekte.
türkiye awazi radiyosi xewiri: ezerbeyjanning paytexti bakudiki köpligen kinoxanilarda qoyuluwatqan «késishish: eren, mewjutluqung némidégen güzel» namliq filimni, türkiyening bakuda turushluq bash elchisi jahit baghji, bash elchixana meslihetchisi we xizmetchi – xadimlirimu kördi.
bash elchi baghji, filimni körgendin kéyin élan qilghan bayanatida, filimning türkiyening 30 yilliq térrorizmgha qarshi küresh tarixini yorutup béridighan héssiyatliq filim ikenlikini, filimde, her biri shéhit bolghan ferhat gedik, eren bülbül we fethi sekin qatarliqlarning hayati tonushturulidighanliqini tekitlep mundaq dédi: «shek – shübhisizki, eren bir simwol idi, térrorizmgha qarshi küreshni qollighan qehriman idi, esker bolmay turup eskerdek oyliyalaydighan bir anadolu baturi idi. u intayin héssiyatchan idi, biz waqitning qandaq ötüp ketkenlikini sezmeyla qalduq. térrorizmgha qarshi küresh dawamida hayatidin ayrilghan barliq shéhitlirimizgha allah taaladin rehmet tileymen. bu filimning qérindash dölet ezerbeyjandimu qoyulushi nahayiti zor ehmiyetke ige.»
«késishish: eren, mewjutluqung némidégen güzel» namliq filimde, trabzon wilaytining machka nahiyeside, 2017 – yili 11 – awghust küni, térrorchilar bilen qehriman türkiye qisimliri otturisida yüz bergen toqunushta shéhit bolghan eren bülbül we yuqiri derijilik kespiy esker ferhat gedikning ish izliri tonushturulidu.
