shimaliy qutupning hawa rayida köp özgirish bolghan

türkiye awazi radiyosi xewiri: dunya miqyasidiki chaqmaq chéqish hadisilirini közitidighan muhit közitish shirkiti waysala (Vaisala) ning doklatida, 2021-yili 80 giradus kenglikning shimalida 7 ming 278 qétim chaqmaq chaqqanlqi qeyt qilindi.

doklatta, bu sanning ilgiriki toqquz yilda chaqqan chaqmaqning toplimidin ikki hesse köp ikenliki eskertildi.

shirketning métrologi we chaqmaqning aldini élish ishlirining mesuli kris wagaski (Chris Vagasky) s n n téléwiziyesining ziyaritini qobul qilghanda, shimaliy qutup rayonlirida chaqmaq weqesining nahayiti az uchraydighanliqini bildürüp, bu éshishni kilimat özgirishining muhim körsetküchisi dep qaraydighanliqini éytti.

u chaqmaq chéqishning bir qeder issiq we nem hawani telep qilidighan turaqsiz atmosféra bilen munasiwetlik bolghan küchlük boranda yüz béridighanliqini eskertip, chaqmaq chéqishning, qutup rayonida témpératuraning örligenlikini körsitidighanliqini qeyt qildi.

u: «biz qutup rayonida kilimatning dunyaning bashqa jaylirigha qarighanda téz özgiriwatqanliqini bilimiz. hazir barliq qitelerdin kelgen issiq we nem hawa shimaliy qutup asminida qalidu we boran-chapqun peyda qilidu» dédi.