istanbulda özbékstan medeniyet künliri paaliyiti ötküzüldi
istanbulda ötküzülgen özbékstan medeniyet künliri paaliyitide, özbékstanliq senetchilerning konsértliri körsitilgendin bashqa, özbékstangha munasiwetlik fotograflar körgezme qilindi.
türkiye awazi radiyosi xewiri: türkiye medeniyet we sayahet ministirliqi bilen özbékstan medeniyet ministirliqi birlikte özbékstan medeniyet künliri paaliyiti ötküzdi.
istanbul döletlik tiyatiri mejidiyeköydiki sehniside tünügün (2021-yili 16-dékabir) bashlanghan paaliyetke, özbékstan muawin medeniyet ministiri alim mirzayéw, istanbul muawin waliysi özlem bozkurt gewrek, özbékstan bash elchisi alisher aghzamghojayéw, özbékstanning istanbul konsuli amirseid aghzamghojayéw, bélarusiyening istnbul konsuli aléksi shyéd we nurghun méhmanlar ishirak qildi.
türkiye jumhur reisi rejep tayyip erdoghanning widéo nutqi bilen bashlanghan paaliyette, özbékstanliq senetchilerning konsérti qoyuldi.
paaliyette yene, özbékstanning tarixiy eserliri we ijtimaiy turmushini eks ettüridighan fotograflar körgezme qilindi.
