nasa aygha adem ewetish pilanini kéchiktürdi
amérika alem qatnishi idarisi-nasa (NASA) 2025-yilighiche aygha alem uchquchisini ewetmeydighanliqini élan qildi.
türkiye awazi radiyosi xewiri: nasa bashliqi bil nélson (Bill Nelson) nasaning aygha adem ewetish nishanini kéchiktürgenliklirini we buning 2025-yildin burun emeliyleshmeydighanliqini bildürdi.
u sabiq pirézidént donald trampning aygha adem ewetish pilanini tilgha élip: «tramp hökümitining 2024-yilda aygha adem ewetish nishani téxnikiliq mumkinchilikke uyghun emes idi» dédi.
u amérika alem qatnishi idarisining artémis pirogrammisi dep bilinidighan aygha adem ewetish nishanining 1-wezipisining 2022-yili etiyazghiche, artémis 2-wezipisining 2024-yilghiche, artémis 3-wezipisining 2025-yilghiche kéchiktürülgenlikini bildürdi.
nasa yene, alem uchquchilirini aygha ewetishning kéchikishide, bu yil (2021) ning béshida «kök menbe» (Blue Origin) alem kémisi shirkitige munasiwetlik dewaningmu hessisi barliqini qeyt qildi.
nasa 2024-yilghiche aygha adem ewetishni pilanlighan idi. armschong (Armstrong) 1969-yili apollo namliq alem kémisi bilen tunji qétim aygha qedem basqan alem uchquchisi bolghan idi.
