altun uchur - alaqe mukapatigha érishti
fahrettin altun «uchur – alaqe sahesidiki xizmetliri bilen yéngi bir dunya qarashning shekillinishige qoshqan töhpiliri» seweblik «yilning munewwer uchur – alaqe mukapati»gha layiq körüldi.
türkiye awazi radiyosi xewiri: «uchur – alaqe munewwer mukapati»gha layiq körülgen jumhur reislik mehkimisi uchur - alaqe idarisi bashliqi fahrettin altun: «bu mukapatni élishimgha emgiki singgen, kéche – kündüz démestin xizmet qilghan barliq sepdashlirimgha rehmet éytimen» dédi.
fahrettin altun «uchur – alaqe sahesidiki xizmetliri bilen yéngi bir dunya qarashning shekillinishige qoshqan töhpiliri» seweblik «yilning munewwer uchur – alaqe mukapati»gha layiq körüldi. u mukapatini tünügün kechte paytext enqerediki jumhur reislik mehkimiside ötküzülgen anadolu neshriyatchilar jemiyitining 6 – nöwetlik anadolu médiya mukapatliri murasimida jumhur reis rejep tayyip erdoghanning qolidin aldi.
fahrettin altun ijtimaiy taratqudiki adrésida hembehriligen uchurida anadolu neshriyatchilar jemiyitige minnetdarliq bildürüp: «uchur – alaqe sahesidiki xizmetlirimiz yüzisidin bizge bu mukapatni bérishni layiq körgen anadolu neshriyatchilar jemiyitige rehmeyt éytimen. bu mukapatni jumhur reisimizning qolidin élishi bizni alahide iptixarlandurdi. bu mukapatni élishimgha emgiki singgen, kéche – kündüz démestin xizmet qilghan barliq sepdashlirimgha rehmet éytimen. barliq sepdashlirim bilen birlikte hörmetlik jumhur reisimizning iradisi we dunya qarishini boylap pütün küchimiz bilen tirishchanliq körsitishni dawamlashturimiz» dégenlerni qeyt qildi.
