«malazgirt zepiri» ning 950 – yilliqini tebriklesh paaliyetliri bashlandi
bitlis wilayitining ahlat nahiyeside 26 – awghust «malazgirt zepiri» ning 950 – yilliqini tebriklesh paaliyetliri murasim arqiliq bashlandi.
türkiye awazi radiyosi xewiri: waliy oktay chaghatay, «1071 sultan alparslan ehlat qarargahi» jaylashqan charho rayonidiki dölet baghchisida ötküzülgen murasimda qilghan sözide, buningdin 950 yil ilgiri, sultan alparslanning qehriman baturliri bilen ehlatqa yighilghanliqini we malazgirtqa ötüp, bu yerlerni ebediy wetini qilghanliqini éytti.
ehlat nahiyesi hakimi abdulalim mumtaz choban bolsa, sultan alparslanni öz ichige alghan barliq shéhitlargha allah taaladin rehmet tilidi, hemde bu tarixiy zeperni herdaim xatirileydighanliqlirini bayan qildi.
mehter ömiki konsért bergen murasimda, hawa armiyesi qomandanliq ishtabining uchquchilar etriti bolghan türk cholpanlar, «malazgirt zepiri» ning 950 yilliqigha atap mexsus maharet körsetti.
«malazgirt zepiri» ning 950 – yilliqini tebriklesh paaliyetlirige qizghin köngül bölgen keng xelq ammisi, türk cholpanlarning mahariti we kök yüzide hasil qilghan ay yultuzluq körünüshlerni téléfon arqiliq singha aldi, hemde alqishlash arqiliq qollaydighanliqlirini ipadilidi.
kéyinche waliy chaghatay we uning hemrahliri, bu yerdiki chédirlarni ékiskursiye qilip , méhmanlargha ashure teqdim qildi.
