amérika musteqilliqining 245-yilliqi tebriklendi
amérika musteqilliqining 245-yilliqi, paytext washington we niyu york qatarliq nurghun sheherlerde salyot nomurliri we her xil murasimlar bilen tebriklendi.
türkiye awazi radiyosi xewiri: amérikada her yili 4-iyul tebriklinidighan «musteqilliq bayrimi» paaliyetlirige, milyonlarche kishi qatnashti.
paytext washington we etrapida yashaydighan amérikaliqlar musteqilliq bayrimi munasiwiti bilen, amérika kongresi, washington xatire sariyi we linkolin xatire sariyi otturisidiki chong meydanda bir yerge jem boldi.
qarangghu chüshüshi bilen linkolin xatire sariyi etrapida bashlanghan we texminen 20 minut dawamlashqan salyot nomurliri, kishilerni sihirlidi.
amérika pirézidénti jo baydin aqsaray baghchisida, eskerler we ularning aililirini ziyapet bilen kütüwaldi.
niyu yorkta méysiz (Macy's) talla bazarliri salyot nomurliri körsitildi.
sherqiy derya niyu yorktiki tebriklesh paaliyetlirining merkizi idi. deryaning menxatton (Manhattan) sahili we kwinis (Queens) sahilini hemde sahilgha qaraydighan binalarning ögzisini liq toldurghan milyonlarche kishi, méysiz talla bazarliri teripidin her yili ötküzülidighan salyot nomurlirini kördi.
