yaponiyelik milyardér aygha chiqishta özige hemrah bolidighan kishilerni izdimekte

türkiye awazi radiyosi xewiri: 45 yashliq milyardér maézawa yusaku twittérda élan qilghan bayanatida, amérikan rakéta we alem kémisi ishlepchiqiridighan spéys éks yasighan rakéta bilen 2023-yili aygha chiqish pirogrammisi «söyümlük ay» sayahitining barliq chiqimlirini kötüridighanliqini bildürdi.

u özige hemrah bolidighan sekkiz kishige qoyulidighan telepler toghrisida yutub qanilidiki widéoni körüshni tewsiye qildi.

u barliq orunduqlarni sétiwalghanliqi üchün spéys éks sayahitining alahide seper bolidighanliqini eskertip: «sekkiz kishi izdeymen, spéys éks yasighan ‹yultuz kémisi› namliq rakéta bilen chiqimiz. aygha chiqish üch kün, qaytish üch kün bolidu. buninggha ishtirak qilghuchilardin héchqandaq heq élinmaydu» dédi.

u deslepte dunyagha tonulghan naxshchi, ussulchi yaki yazghuchigha oxshash kishilerni tallashni pilanlighanliqini, biraq «ijadiyliqqa ige ish qilghan her qandaq kishini senetchi dep atash kérek» dep oylaydighanliqini bildürdi.

u dunyadin bu sayahetke qatnishidighan kishilerni izdewatqanliqini eskertip, mundaq dédi:

«néme ish qiliwatqan bolushingizdin qetiynezer, alemge barmaqchi bolsingiz bashqa kishilerge we keng jemiyetke yardem qilish üchün téximu qattiq tirishchanliq körsiteleysiz. men bu xil yoshurun küchke ige birsining chiqishini ümid qilimen.»

b b s ning xewiride bildürülishiche, maézawa yusakuning layihe ramkisida, tésla we spéys éksning yuqiri derijilik bashqurghuchisi élon maskqa qanche pul töligenliki élan qilinmighan.