nasa «qetiy irade» ning marsqa qonghandiki körünüshlerni élan qildi
amérika alem qatnishi idarisi-nasa (NASA), «qetiy irade» (Perseverance ) namliq tekshürüsh apparatining marsqa qonghandiki sin körünüshlirini élan qildi.
türkiye awazi radiyosi xewiri: nasa «qetiy irade» üchün mexsus achqan twittér bétide, shenbe (2021-yili 20-féwral) küni oxshimighan üch kaméradin tartilghan marsqa qonush sin körünüshlirini hembehirlidi.
mars atmosférasigha kirgen tekshürüsh apparatining süritini astilitish üchün parashotning échilishi bilen bashlanghan widéoda, töwen terepni körsetken kaméra nuqtisida kök yüzidin süzülüp chüshken «qetiy irade» ning, mars yüzi bilen uchrashqandiki peyt intayin éniq körünidu.
tekshürüsh apparatining marsqa pilan boyiche qonushi bilen, nasa merkizi xushalliqqa chömdi we alemde bir pélanitagha qonush emeliyleshken boldi.
«qetiy irade» 2020-yili 30-iyun floridadiki supisidin qoyup bérilip, texminen yette ayliq we 470 milyon kilométirliq sepiridin kéyin, 20-féwral (2021) da marsqa qondi.
nasaning kaliforniyediki «Jet Propulsion» tejribixanisida yasalghan we plutoniy yéqilghu qilinghan «qetiy irade», hazirghiche marsqa ewetilgen apparatlar ichide yéngi téxnikilargha ige bolushi bilen bilinidu.
ximiyelik analiz qilalaydighan, 20 kaméra ornitilghan, ewrishkilerni yighish üchün tashlarni tishidighan üshke, aptomatik qol we bir dane kichik tik uchari bolghan «qetiy irade» ning, marsta ikki yil tekshürüshte bolidu.
