erdoghan bilen shentop reghaib qendili munasiwiti bilen bayanat élan qildi
jumhur reis rejep tayyip erdoghan bilen türkiye büyük millet mejlisi bashliqi mustafa shentop reghaib qendili munasiwiti bilen bayanat élan qildi.
türkiye awazi radiyosi xewiri: üch aylarning xush xewerchisi süpitide qobul qilinidighan reghaib qendili, türkiyening herqaysi jaylirida dua – ibadetler arqiliq idrak qilindi.
jamelerge seldek aqqan keng xelq ammisi, reghaib qendili munasiwiti bilen, «kowid – 19» yuqumi tedbirlirige riaye qilip, maska taqighan we ariliq qaldurghan halda namaz oqup, dua qildi.
jumhur reis rejep tayyip erdoghan, ammiwi ortaqlishish tor bétidiki sehipiside, reghaib qendili munasiwiti bilen élan qilghan bayanatida, mundaq dédi: «millitimizning we pütkül islam dunyasining mubarek üch aylarning xush xewerchisi süpitide idra qilinidighan reghaib qendilini tebrikleymen. rebbimizdin bizni we pütkül insaniyetni bu mubarek kéchining hörmiti üchün her türlük palaketlerdin, musibetlerdin öz panahida saqlishini tileymen. reghaib qendili kéchimiz mubarek bolsun!»
türkiye büyük millet mejlisi bashliqi mustafa shentopmu, ammiwi ortaqlishish tor bétidiki sehipiside élan qilghan bayanatida, türkiye xelqining we pütkül islam dunyasining reghaib qendilini tebriklidi.
