xelqaraliq ammiwi teshkilatlar firansiye üstidin b d t gha erz sundi

türkiye awazi radiyosi xewiri: 13 dölettin 36 din artuq ammiwi teshkilat, firansiyening islam peyghembiri muhemmed eleyhissalamgha haqaretni öz ichige alghan hejwiy resimlerning élan qilinishini qollighanliqi we talash – tartishliq «bölgünchilikke qarshi küresh» qanun layihesi tüzgenliki seweblik firansiye üstidin birleshken döletler teshkilati kishilik hoquq kéngishigha erz sundi.

erz sunghan teshkilatlardin CAGE teripidin élan qilinghan bayanatta, firansiyening islam düshmenliki we musulmanlargha qarshi ayrimchiliq qilmishlirini ewj alduruwetkenliki, firansiye hökümitining paaliyetlirining, islam peyghembiri muhemmed eleyhissalamgha haqaretni öz ichige alghan hejwiy resimlerni ochuq – ashkara halda qollighanliqi bolidighanliqi eskertilish bilen bir waqitta, firansiye dölitining islam düshmenlikige asaslinidighan siyasetlirining dairisini barghanséri kéngeytiwatqanliqi qeyt qilinip, bu siyasetlerge xatime bérilishi telep qilindi.

islam düshmenlikining ziyankeshlikige uchrawatqan shexslerning guwahliqlirigha orun bérilgen erznamide, bu xil qilmishlarning musulmanlarning shan – sheripi hem heq - hoquqlirini depsende qiliwatqanliqi tekitlendi.

ammiwi teshkilatlar, firansiyedin  «bölgünchilikke qarshi küresh» qanun layihesi dep bilinidighan layiheni bikar qilishini, ayrimchiliqni meniy qilidighan qanunlarni chiqirishi hem dölette dingha asaslinidighan xush péilsizliqqa qarshi küresh üchün barliq tedbirlerning qollinilishini telep qildi.