gramméy mukapatlirini tarqitish murasimi kéchiktürüldi

türkiye awazi radiyosi xewiri: «rolling ston» namliq naxsha - muzika tori, 31- yanwarda kaliforniyening los anzhélés shehiride ötküzülüshi pilanliniwatqan mukapat tarqitish murasimining kowid -19 wirusi bilen yuqumlanghuchilar sanining köpiyip ketkenliki sewebidin kéchiktürülgenliki we bu heqtiki resmiy bayanatning yéqinda élan qilinidighanliqini ilgiri sürdi.

mukapatlash murasimini uyushturidighan Recording Academy isimlik organning mesuli xarwéy mason noyabir éyidiki namzatlarning isimliri élan qilinghan bir söhbet pirogrammisida, az sanda tamashibin qatnishidighan bir paaliyetning pilanliniwatqanliqini, emma bashqa tepsilatlargha munasiwetlik xizmetlerning téximu ishliniwatqanliqini bildürgenidi.

amérika taratquliridiki her xil xewerlerde mukapatlash kéchilikining martta ötküzülüshining texmin qiliniwatqanliqi ilgiri sürüldi.

63- nöwetlik gramméy mukapatigha toqquz türde namzatliqqa körsitilgen amérikaliq moda cholpini béonsé, gramméy tarixidiki eng köp namzatliqqa körsitilgen ayal senetkargha aylandi.

béonsédin qalsa taylor swift, roddi rich we du lipa qatarliqlar alte türde namzatliqqa érishti.

2020- yili yuqum sewebidin MTV sin muzika mukapatliri, latin gramméyliri we émmiy mukapatlri qatarliq nurghun mukapatlash murasimliri torda ötküzülgen yaki nahayiti az sanda kishining ishtirak qilishi bilen murasim zallirida ötküzülgenidi.