y t b xelqaraliq oqughuchilar üchün yüzlerche layiheni emeliyleshtürdi

türkiye awazi radiyosi xewiri: chet eldiki türkler we qérindash xelqler idarisi-y t b  (YTB)türkiyede oqup dölitige qaytqan yaki hazirmu türkiyede oquwatqan xelqaraliq oqughuchilarning kishilik tereqqiyatigha hesse qoshush we tetqiqatlirini qollash üchün, oqush we iqtisadiy yardem pirogrammilirini emelge ashurdi.

y t b ning bu heqtiki yazma bayanatigha asaslanghanda, 2020-yili emelge ashurulghan pirogrammilar bilen türkiyede oqughan yaki oquwatqan xelqaraliq oqughuchilarning muweppeqiyet layihelirini qollash, wuxen wirusi(Kovid-19)  mezgilide akadémik, medeniyet we ijtimaiy tereqqiyatlargha hesse qoshush üchün her xil yardem pirogrammilirini emeliyleshtürgen.

yardem pirogrammiliri bilen türkiyede oqush püttürgenler qurghan jemiyetler üchün 54 layihe emeliyleshtürgen bolsa, oqush püttürgen oqughuchilarning soda-sanaet dunyasi bilen uchrishishi, til iqtidarini tereqqiy qildurushi we türk medeniyiti bilen bolghan rishtilirini kücheytishi üchün nurghun paaliyetler ötküzüldi.

oqush we soda-sanaet saheside muweppeqiyet qazanghanlar üchün türkiye oqush püttürgenler mukapati tesis qilindi. türkiye bilen köp tereplimilik soda munasiwetlirige hesse qoshqan chet el shirketliride bashqurghuchi ornigha ige bolghan türkiyede oqush püttürgenler, türkiye soda-sanaetchiliri bilen téléwiziye yighini sheklide uchrashturuldi we wabadin kéyinki dunya iqtisadi toghrisida muhakimiler yürgüzüldi.

türkiye uniwérstétlirida axirqi yilliqlarda oquwatqan oqughuchilar üchün, oqush püttürgen oqughuchilar bilen bolghan munasiwetlerni kücheytish layheliri emeliyleshtürüldi. türkiyede oqush püttürgenlerning türkiye tashqi sodisigha qoshqan töhpisi bash téma qilinghan «türkiyede oqush püttürüp igilik tikligenlerning türkiye tashqi soda hejimige qoshqan töhpisi» namliq doklat teyyarlandi.

y t b türkiyede toluq ottura mektepte oquwatqan oqughuchilargha «türkiye aliy mekteplirini tonutush wezipisi» nimu öz üstige aldi. uniwérstétlarda oqush püttürgen xelqaraliq oqughuchilarning ishqa orunlishishi toghrisida tetqiqat doklati teyyarlidi.

doklatta, türkiyede oqush püttürgen oqughuchilarning %72 ning oqush püttürüp alte ichide xizmet tapqanliqi, %93 ning türkiye shirketliri bilen soda paaliyetlirini qanat yaydurushqa ijabiy qaraydighanliqi bildürüldi.

waba mezgilide élip bérilghan tetqiqatlar arisida, maqale, layihe we doklat teyyarlash musabiqilirimu orunlashturuldi.

«wabadin kéyinki dunya» témiliq musabiqige, xelqaraliq oqughuchilar yüzlerche eser qatnashturdi.