hayat kéler yili qishta normalgha qaytishi mumkin

türkiye awazi radiyosi xewiri: wuxen wirusigha qarshi %90 ünümge ige waksinani tetqiq qilghan piroféssor doktor ughur shahin b b s (BBC) ning ziyaritini qobul qildi.

u bundaq ünümi yuqiri bolghan waksina bilen kishiler arisidiki yuqumlinishning %90 emes, belki %50 aziydighanliqigha ishinidighanliqini bildürüp, bu arqiliq wuxen wirusining tarqilishini yuqiri sewiyede töwenletkili bolidighanliqini qeyt qildi.

u hemme ish özining yolida bolghanda, waksinaning bu yil (2020) ning axiri yaki kéler yili (2021) ning béshida tarqilishqa bashlinidighanliqini eskertip, kéler yili aprél éyighiche dunya miqyasida eng az dégende 300 milyon shishe tarqitishni nishan qilghanliqlirini bildürdi.

u kéler yili qishta , hayatning normalgha qaytishi mumkinlikini bildürüp, waksina urush ishlirini kéler yili küzde axirlashturushning muhim ikenlikini tekitlidi.

u: «yaz aylirida yuqum nisbitining töwenlishi wuxen wirusigha qarshi turushqa paydiliq. kéler yili küzning axiri waksina urush ishlirida yetmekchi bolghan sewiyege yétish intayin muhim. waksina urulghan yerde bir qanche kün aghrish we bir qanche kün qizishtek eks tesirliri körüldi. emma, waksinani toxtatqidek éghir ehwal körülmidi» dédi.