yashlar yalghuzluqni eng éghir hés qilidiken

türkiye awazi radiyosi xewiri: «News Medical Life Sciences» torining xewiride körsitilishiche, amérikadiki kaliforniye uniwérstéti santiyago tibbiy fakultéti oxshimighan yash guruppilirida yalghuzluqqa seweb bolghan pisxologiyelik we muhitqa munasiwetlik amillarni tetqiq qilghan. tetqiqatqa, 20 yash bilen 69 yash arisida 2 ming 843 kishi ishtirak qilghan. tetqiqat netijiliri «Journal of Clinical Psychiatry» zhurnilining tor bétide élan qilinghan.

tetqiqat netijiside, yalghuzluq sewiyesining 20 yashlarda eng yuqiri chekke yétidighanliqi, 60 yashlarda eng töwen sewiyege chüshidighanliqi we 40 yashlarning otturisida yene yuqirilashqa bashlaydighanliqi ispatlanghan.

mutexessisler, az hésdashliq we shepqetning az-köplüki, tar ijtimaiy alaqe torliri, hemrahi bolmasliq we uyqusi yaxshi bolmasliq qatarliq amillarning barliq yash guruppiliridiki yalghuzluqning körsetküchliri ikenlikini bayqighan.

ijitmaiy jehettiki kemchillik we köp qayghurush 60 yashning sirtidiki bashqa yash guruppilirida, yalghuzluqni hés qilishning yuqirilishigha seweb bolidiken.

tetqiqatta, 20 yashlarda kishiler jemiyette ijtimaiy orungha we hemrah tépishqa tirishish bilen bir waqitta, éghir bésim hés qilidighanliqi, 40 yashlarda yuqiri qan bésimi we diyabét qatarliq ten salametliki mesililirige duchar bolushqa bashlaydighanliqi otturigha chiqqan.