forbés: türkiye uchquchisiz apparatliri sihirlik oq
amérikada aldinqi qatarda turidighan zhurnallardin «forbés» zhurnili, türkiyening herbiy uchquchisiz hawa apparatini «sihirlik oq» dep atidi.
türkiye awazi radiyosi xewiri: «forbés» zhurnili türkiye yasighan uchquchisiz hawa apparatlirini tonushturup maqale basti.
dawid xambling (David Hambling) teripidin yézilghan maqalide, ezerbeyjanning erméniyege qarshi bir qanche oxshimighan hawa apparati ishletkenlikini, bularning arisida eng ünümlük bolghinining türkiyening uchquchisiz hawa apparatliri ikenliki qeyt qilindi.
« TB-2-bayraktar» tipliq uchquchisiz hawa apparatlirining muweppeqiyetliri maxtash ichide tilgha élinghan maqalide, türkiyede yasalghan uchquchisiz hawa apparatlirining ilgirimu iraq we liwiyede zor tesir peyda qilghanliqi eskertildi.
maqalide, « TB-2-bayraktar» tipliq uchquchisiz hawa apparatlirining amérika we isirailiyede yasalghan uchquchisiz hawa apparatliridin téximu ilghar ikenliki bildürüldi.
buningdin burunmu dunyagha meshhur «iqtisadshunasliq» zhurnili (The Economist), qarabagh aldinqi sépide türkiyening uchquchisiz hawa apparatlirining tesirining zor bolidighanliqini texmin qilghan idi.
b b s (BBC) mu « TB-2-bayraktar» tipliq uchquchisiz hawa apparatini, «uchquchisiz hawa apparatliri bazirining yultuzi» dep teripligen idi.
rusiye bilen yaponiyening taratquliridimu türkiyening uchquchisiz hawa apparatliri keng orun alghan idi.
