erdoghangha ikkinchi qétim «dunyawi munewwer musulman mukapati» bérildi

türkiye awazi radiyosi xewiri: gherbiy afriqa döliti nigériyede chiqidighan «Muslim News Nigeria» gézitining tehriri rashid ebubekir, 2018 – yilimu bu mukapatning jumhur reis erdoghangha bérilgenlikini eskertip, «hem islam dunyasidiki hem xelqara jemiyettiki bes – munazirisiz tesiri we küchi sewebidin bu yilmu erdoghan birinchi rettin orun aldi» dédi.

ebubekir, jumhur reis erdoghanning herdaim ézilgen musulmanlarning yénida turghanliqini bildürüp, «erdoghan süriye, birma, keshmir we pelestin mesililiride herdaim sadasini yangratti» dégenlerni qeyt qildi.

u, jumhur reis erdoghanning kuala lumpur bashliqlar yighinidimu musulmanlarning birlik we barawerliki üchün tirishchanliq körsetkenlikini qeyt qildi.

ikkinchilik mukapati malayshiya bash ministiri mahatir muhemmedke, üchinchilik mukapati tégi – tekti somaliliq musulman palata ezasi ilxan ömerge, tötinchisi bolsa, gambiye pirézidénti adama barrowgha bérildi. mukapatning beshinchisi tégi – tekti türkiyelik gérman putbolchi mesut özilgha bérildi.