erdoghan senetchi we tenheriketchiler bilen körüshti

türkiye awazi radiyosi xewiri: jumhur reis erdoghan, döletning senet we tenterbiyesige hesse qoshqa senetchi we tenheriketchilerge rehmet éytti.

kültür, senet we tenterbiyening milletlerning ortaq bayliqi ikenlikini bildürgen erdoghan, shunga kültür, senet erbabliri bilen tenheriketchilerning yaratqan eserler we qolgha keltürgen utuqlar bilen pütkül milletke wekillik qilidighan kishiler ikenlikini tekitlep ötti.

shu wejidin senetchi we tenheriketchilerni herdaim qedirleshning, hörmitini qilishning, imkaniyetlirining dairisini kéngeytip bérishning kuyida bolup kelgenliklirini bildürgen erdoghan, medeniyet paaliyetlirige qilinghan dölet yardimining 2002 – yiligha sélishturghanda %50 ashurulghanliqini, peqet kinochiliq sahesige qilinghan yardem miqdarining 40 hesse köpeygenlikini éytti.

türkiyening eng zamaniwi opéra ölchemlerge chüshidighan binasining, jumhur reislik mehkimisi qurultay we medeniyet merkizi ikenlikini eskertken erdoghan, taksimdimu istanbulgha yarishidighan bir opéra we kültür mezkizini bina qilghanliqlirini xatirilitip ötti we sözini dawamlashturup, «pewquladde bir ehwal bolmisila 2021 – yili taksimdiki, burunqi nami bilen atatürk kültür merkizini inshaallah opéra binasi süpitide achqan bolimiz» dédi.

tenheriketchiler üchünmu nahayiti muhim üstqurulma xizmetlirini royapqa chiqarghanliqlirini tekitligen erdoghan, bügün türkiyening tenterbiye orni sani jehette iptixarlinidighan nuqtigha yetkenlikini, ijazetnamige érishken tenterbiyechi sanining 280 mingdin 9 milyongha yetkenlikini éytti.