amazon shirkiti aygha mashina adem ewetidu
amérikaning tor soda shirkiti bolghan amazonning qurghuchisi jéf bézos (Jeff Bezos) aygha alem kémisi ewetishni pilan qilghanliqini élan qildi.
türkiye awazi radiyosi xewiri: amazon shirkitining xojayini jéf bézos awiyatsiye we alem tetqiqatliri shirkiti bolghan blu orijin (Blue Origin) ning töt mashina adem toshush iqtidarigha ige, kichik öy chongluqidiki alem kémisining, yéngidin layihelinip yasalghan rakéta motori we küchlendürülgen rakétalar bilen aygha ewetilidighanliqini élan qildi.
jéf bézos washington pochtisi gézitiningmu xojayini bolup, u pilanni tonushturush murasimini blu orijin shirkitide ötküzdi. u: «kishining ishengisi kelmeydighan bu kéme aygha baridu. bu aygha bérishning we ayda turup qélishning waqti» dédi.
biraq u, alem kémisining aygha qachan ewetilidighanliqi, aygha adem ewetilip-ewetilmeydighanliqi heqqide melumat bermidi.
blu orijinning muawini kléy mowriy 2024-yili aygha adem chiqirishning pilan qilinghanliqini bildürdi.
shirketning alem ishliri meslihetchisi robért wolkér (Robert Walker) 2023-yili alem kémisining aygha ewetilidighanliqini éytti.
